ق ر پرەزيدەنتى: بيلىك - بۇل ەڭ الدىمەن زور جاۋاپكەرشىلىك

استانا. قازاقپارات - بيلىك دەگەنىمىز بۇل - ەڭ الدىمەن زور جاۋاپكەرشىلىك.

«روسسيا 24» تەلەارناسىنىڭ «فورمۋلا ۆلاستي» باعدارلاماسىنا سۇحبات بەرگەن قازاقستان پرەزيدەنتى نۇرسۇلتان نازاربايەۆ وسىلاي دەدى.

«بيلىك - ەڭ الدىمەن زور جاۋاپكەرشىلىك. لاۋازىم جوعارىلاعان سايىن جاۋاپكەرشىلىك ارتا تۇسەدى. پرەزيدەنت رەتىندە مەندە جانە باسقا دا پرەزيدەنتتەردىڭ جۇمىسسىز ۋاقىت جوق. دەمالىس كۇندەرى، ەڭبەك دەمالىسى ۋاقىتىندا دا كۇنى- ءتۇنى لاۋازىمىڭدى اتقاراسىڭ»، - دەدى ەلباسى.

مەملەكەت باسشىسى تەلەرانا جۇرگىزۋشىسىنىڭ ءوزىنىڭ 75 جىلدىق مەرەيتويىن قانداي كوڭىل- كۇيمەن قارسى الاسىز، دەگەن ساۋالىنا دا جاۋاپ بەردى.

«ەگەر ءبىراۋىز سوزبەن ايتار بولسا، جاقسى كوڭىل- كۇيمەن قارسى الامىن. اللاعا شۇكىر، ءبىزدىڭ ەلىمىزدە تىنىشتىق. مەنىڭ ومىرلىك جوسپارىما ەنبەگەن كەزەكتەن تىس پرەزيدەنت سايلاۋى دا وسى جىلى ءوتتى. ناتيجەسى دە بارلىعى ءۇشىن تاڭقالارلىق بولدى. ارينە، بۇل دا كوڭىل- كۇيدى كوتەرەدى. كەز كەلگەن ساياساتكەر مەنى دۇرىس تۇسىنەدى دەپ ويلايمىن»، - دەدى ق ر پرەزيدەنتى.

مەملەكەت باسشىسى ءوز اتا- اناسىنىڭ ءومىر بويى ەڭبەكسۇيگىشتىككە، ادالدىققا ۇيرەتكەنىن اتاپ ءوتىپ، وتباسىنىڭ سوعىستان كەيىنگى قيىن كەزەڭدە ءومىر سۇرگەنىن ەسىنە الدى.

«ۇنەمى جۇمىس ىستەيتىن اكەمنىڭ مەن ۇيىقتاپ جاتقاندا كەتىپ، مەن ۇيىقتاپ قالعاننان كەيىن كەلەتىندىگى ەسىمدە. ەڭ بىرىنشىدەن، بۇل مەنى ەڭبەكسۇيگىشتىككە باۋلىدى. ال انام زور ماحاببات سىيلادى»، - دەدى ەلباسى.

سونىمەن قاتار مەملەكەت باسشىسى اتا- اناسىنان العان كۇش- قۋات ءون- بويىندا ءالى كۇنگە دەيىن ساقتالعانىن اتاپ ءوتتى.

«تىنىمسىزدىق. ءبىرىنشى بولۋعا ۇمتىلۋ، كوشباسشى تابىسىن ەشكىمگە بەرمەۋ»، - دەدى ق ر پرەزيدەنتى.

اۆتور: مارلان جيەمباي