استانا كۇنىنە تارتۋ: تۇلكىباستا ساۋمالمەن ەمدەۋ ورتالىعى اشىلدى
اشىلۋ سالتاناتىنا قاتىسقان اۋدان اكىمى ق. ابدۋاليەۆ تۇلكىباستىقتاردى استانا كۇنىمەن قۇتتىقتاپ، پايدالانۋعا بەرىلگەن الەۋمەتتىك نىساندار ەل يگىلىگى ءۇشىن قىزمەت ەتەتىنىنە سەنىم ءبىلدىردى.
وبلىستىڭ بارلىق اۋدان، قالالارىنان بوي كوتەرگەن كاسىپكەرلىك مەكتەبى تۇلكىباستادا اشىلدى. بۇل عيماراتتا كاسىپكەرلەرگە ءبىر تەرەزە قاعيداسىمەن قىزمەت كورسەتىلىپ، كاسىپكەرلىك مەكتەبى جۇمىس جاسايدى. مەكتەپتە ونەركاسىپ، ەگىن جانە مال شارۋاشىلىعى سالاسىندا ءبىلىم بەرۋ، يننوۆاتسيالىق قۇرال- جابدىقتارمەن تانىستىرۋ جۇمىستارى جۇرگىزىلەدى.
سونىمەن قاتار، العاباس اۋىلىندا سپورت كەشەنى ىسكە قوسىلىپ، التى 6 ازامات جۇمىسپەن قامتىلىپ وتىر. مۇندا سپورتتىڭ فۋتبول، بوكس، كۇرەس تاعى باسقا دا سپورت تۇرلەرىنەن ۇيىرمەلەر جۇمىس جاسايتىن بولادى. وسىنداي مەرەكەلى كۇنى مىڭعا جۋىق تۇرعىنى بار العاباس اۋىلىندا 200 ورىندىق جاڭا مەكتەپتىڭ اشىلۋ ءراسىمى دە بولىپ ءوتتى. ءبىلىم ورداسى زامان تالابىنا ساي جابدىقتالعان.
وسى كۇنى كەمەرباستاۋدىڭ تاۋ بوكتەرىندە ورنالاسقان «تاڭ نۇرى» ج ش س-نىڭ ساۋمالمەن ەمدەۋ ورتالىعى اشىلىپ، وڭتۇستىكقازاقستاندىق ەمدەلۋشىلەردى قۇشاق جايا قارسى الدى. اۋدان اۋماعىندا تۋريزم سالاسىن دامىتۋ، سالاۋاتتى ءومىر سالتىن ناسيحاتتاۋ، حالىقتى تازا تابيعي ونىمدەرمەن قامتاماسىز ەتۋ ماقساتىندا اشىلىپ وتىر.
ساۋمالمەن ەمدەۋ ورتالىعى جۇزدەن استام ادامدى قابىلداپ، ەمدەي الادى. نىساننىڭ قۇرىلىسىنا 132 ميلليون تەڭگە قارجى جۇمسالعان. اتالعان ورتالىقتا 20 ازامات جۇمىسپەن قامتىلعان.
سونداي- اق، تۇرار رىسقۇلوۆ ەلدى مەكەنىندە ورنالاسقان «تۇلكىباس نان» ج ش س-نىڭ سالتاناتتى اشىلۋ ءراسىمى بولىپ ءوتتى. اۋداننىڭ بارلىق اۋماعىن نانمەن قامتاماسىز ەتىپ وتىرعان زاۋىت جىلىنا 2 ميلليون توننا ءونىم وندىرەدى. بۇگىندە جەرگىلىكتى 45 ازاماتتى تۇراقتى جۇمىسپەن قامتاماسىز ەتىپ وتىر.
