اتىراۋدا العاش رەت بەنزول شىعارىلا باستادى

استانا. قازاقپارات - استانا كۇنى قارساڭىندا العاشقى بەنزول ءونىمى الىندى. «اتىراۋ مۇناي وڭدەۋ» زاۋىتىنىڭ بازاسىندا حوش ءيىستى كومىرسۋتەكتەر كەشەنى ىسكە قوسىلدى.

ەستەرىڭىزگە سالا كەتەيىك، يندۋستريالدى- يننوۆاتسيالىق دامۋ باعدارلاماسى بويىنشا اتىراۋ مۇناي وڭدەۋ زاۋىتىندا 2 ءىرى جوبا قولعا الىنعان ەدى. ونىڭ ءبىرى مۇنايدى % 80 عا دەيىن تەرەڭ وڭدەۋگە، ەكىنشىسى حوش ءيىستى كومىرسۋتەكتەر شىعارۋعا باعىتتالعان.

جاڭا قوندىرعى جىلىنا 133 مىڭ توننا بەنزول مەن 496 مىڭ توننا پاراكسيلول شىعارۋعا قاۋقارلى. بۇل ەكى حيميالىق سۇيىقتىق الەمدىك نارىقتا ۇلكەن سۇرانىسقا يە ءونىم بولىپ سانالادى. قازىردىڭ وزىندە كاسىپورىن حوش ءيىستى كومىرسۋتەكتەردى ەكسپورتتاۋدىڭ جولدارىن قاراستىرۋدا. سونداي- اق كەلەشەكتە ىسكە قوسىلاتىن قازاقستاننىڭ تۇڭعىش مۇناي- گاز حيمياسى كەشەنى دە وسى بەنزول مەن پاراكسيلولدان تۇرمىسقا قاجەتتى 300 دەن استام بۇيىم شىعارۋدى جوسپارلاپ وتىر.

قايرات ورازبايەۆ، «اتىراۋ مۇناي وڭدەۋ زاۋىتى» ج ش س باس ديرەكتورى:

- 2016 - جىلعا بىزدە تاعى ءبىر بيىك ماقسات بار. ول - مۇنايدى تەرەڭ وڭدەۋ كەشەنىنىڭ قۇرىلىسىن اياقتاۋ. ول جوبا اياقتالعاندا، ءبىزدىڭ ونىمدەرىمىز ەڭ جوعارعى ەۆرو-5 ەكولوگيالىق ستاندارتىنا سايكەس بولادى. بۇل ءبىزدىڭ قازاقستان ەكونوميكاسىنىڭ وسۋىنە قوسقان ۇلەسىمىز .
www.24.kz