ىستىقتان قوي قىرىلىپ جاتىر
«كوبىنە قوزىلار كوپ قىرىلعان، ۇلكەن قويلاردىڭ سانى جالپى قىرىلعان مالدىڭ 10 پايىزىن قۇرايدى. تاعى 250 باس مال دەرتكە شالدىققان، ۆەتەرەنارلاردىڭ باقىلاۋىندا» ، - دەپ اڭگىمەلەدى وبلىس اكىمدىگى اپپاراتىنا قاراستى «جۇمىلدىرۋ جۇمىستارى جانە داعدارىس جاعدايىنداعى شۇعىل تالداۋ ورتالىعى» ق ق ك باسشىسى جاسۇلان شىنتاسوۆ.
شىنتاسوۆتىڭ ايتۋىنشا، جاپپاي قىرىلۋدىڭ باستى سەبەبى وڭىردەگى ىستىق اۋا رايى بولۋى مۇمكىن.
«بىرنەشە كۇننەن بەرى تەرمومەتر باعامى 45-47 گرادۋستان تۇسپەي قويدى. جاس مالدار مۇنداي ىستىقتى كوتەرە الماي قالعان بولۋى كەرەك. دەگەنمەن، زارداپ شەككەن «كوبەلدەس» ، «ىنتىماق» جانە «اقسەڭگىر» شارۋا قوجالىقتارىندا ءتۇرلى ينفەكتسيالارعا قاتىستى دا تەكسەرۋ جۇمىستارى جۇرگىزىلىپ جاتىر. شارۋالاردىڭ قالعان مالىن امان الىپ قالۋ ءۇشىن ۆەتەرەناريا سالاسىنداعى ماماندار جۇمىس ىستەۋدە» ، - دەيدى جاسۇلان شىنتاسوۆ.
قىرىلعان قويلار جاڭاقورعان اۋدانىنداعى تيپتىك مال قورىمىنا جونەلتىلدى. ساراپتاما جۇرگىزۋ ءۇشىن ماتەريالدار دا الىنعان. اۋداندىق اكىمدىكتىڭ اقپاراتى بويىنشا، ساراپتاما تاعايىندالعان، ەكى اپتانىڭ ىشىندە اياقتالادى. ازىرگە ۆەتەرينارلىق زەرتحانا مالداردان قاندايدا ءبىر ينفەكتسيا بەلگىلەرىن انىقتاپتى.
BNews.kz
