نەمەرەسىن وڭتۇستىك كورەياعا ۇزاتقان و ق و تۇرعىنى كارىستەرمەن قۇدا بولۋدىڭ سىرىن ايتتى
جيەن نەمەرەسىنىڭ الىس ەلگە ۇازتىلۋىنا بارىپ قايتقان سەرىكباي اقساقال كورەيا ەلىنەن العان اسەرلەرىمەن ءبولىستى دەپ جازادى زامانا گازەتى.
«جيەن نەمەرەم قۇلپىناي بايتۋوۆا كىشكەنتايىنان العىر، زەرەك بولاتىن. قاز ۇ ۋ- دىڭ ەكونوميكا فاكۋلتەتىندە وقىپ ءجۇرىپ، الماتىداعى كورەي مەيرامحانالارىنىڭ بىرىندە جۇمىس ىستەيدى. كۇيەۋ بالامىز كان سون ەن قاز ۇ ۋ- دىڭ ورىس ءتىلى فاكلۋتەتىندە ءبىلىم العان ەكەن. ەكەۋى تانىسىپ، كوڭىل جاراستىرعان. نەمەرەم كەيىن كورەياعا بارىپ جۇمىس ىستەيمىن دەپ شەشىپ، سون ەندى ءسۇيىپ قالعان سوڭ تۇرمىس قۇردى»، - دەيدى قاريا.
قاريا نەمەرەسىنىڭ كارىس جىگىتىنە تۇرمىس قۇرعانىنا العاشىندا قاتتى الاڭداعان. الايدا، كارىس قۇدالارىن كورگەن سوڭ، كوڭىلى ورنىنا ءتۇسىپتى.
«الماتىداعى ءدىن وكىلدەرىمەن اقىلداستىم. ءبىر قىزىعى، قىزىمىزدىڭ بولاشاق جارى ەشقانداي دىنگە تۇبەگەيلى بەت بۇرماعان ەكەن. ياعني بۋدديست تە، حريستيان دا، مۇسىلمان دا ەمەس. ءبىر قۇدايدىڭ بارىنا سەنەتىن جان كورىنەدى. ءبىراق كىشكەنتاي كۇنىندە سۇندەتتەلگەن ەكەن. مۇنى ەستىگەن ءدىن وكىلدەرى كەلىسىم بەرۋگە بولاتىنىن ايتتى»، - دەيدى ول.
قۇلپىناي وڭتۇستىك كورەيانىڭ تەگۋ قالاسىنا كەلىن بولىپ تۇسكەن. ءبىراق ول ءوز تەگىن دە، ازاماتتىعىن دا اۋىستىرمادى. ول جاقتىڭ زاڭى بويىنشا وزگە ەلدەن كەلگەن قالىڭدىق تۇرمىسقا شىققان كەزدە بەرىلەتىن كۋالىكپەن ەمىن- ەركىن ءجۇرىپ- تۇرا الادى ەكەن.
«قۇدامىز كان مىرزا فارماتسيەۆت، ال قۇداعي ءسان سالوندارىن باسقارادى»، - دەيدى سەرىكباي قاريا.
سەرىكباي شالايەۆ باستاپ بارعان قۇدالاردى كان اۋلەتى وڭتۇستىك كورەيانىڭ بەس قالاسىنا قىدىرتىپتى.
جەرلەستەرىمىز ايگىلى «جۋمونگ حانزادا» تەلەحيكاياسى تۇسىرىلگەن الاڭ مەن عيباداتحانانى ارنايى بارىپ كورىپتى.
«ءبىزدى كۇيەۋ بالامىز كۇتىپ الدى. ويپىرماي، قىزىمىزدىڭ جۇرەگىن جاۋلاعان قاي كارىس ەكەن دەپ ىشتەي ۋايىمداپ ەدىك. جوق، سو ەن ءجۇزى جىلى، قازاققا ۇقساپ قالعان جىگىت ەكەن. «سالەمەتسىزدەر مە؟ قوش كەلدىڭىزدەر!» - دەپ امانداسىپ، بايەك بولدى»، - دەيدى سەرىكباي شالايەۆتىڭ جارى بايان.
ولار كورەيلىكتەردىڭ تۇرمىس سالتى قازاقتارعا ۇقسايتىنىن ايتقان. قۇلپىناي مەن سون ەن جۇمىس بابىمەن ينچحون قالاسىندا تۇرادى.
«توي بىتكەن سوڭ كۇيەۋ جىگىت پەن قالىڭدىق ارنايى ۇلتتىق كيىمدەرىن كيىپ، كەلگەن قوناقتارعا قىزمەت كورسەتەدى ەكەن. ادەتتە ءبىز وندايدى «كەلىن شايى» دەپ اتايمىز عوي. سوعان ۇقساس ءبىر ءراسىم بولدى. كەلگەن قوناقتارعا قىزىمىز بەن كۇيەۋ بالامىز ءيىلىپ سالەم سالىپ تۇردى. ال ولار اقشا تاستاپ جاتتى. جينالعان اقشا داستۇرگە ساي ەكى جاس نارەستەلى بولعاندا شىلدەحاناعا جۇمسالادى ەكەن»، - دەيدى قاريا.
الايدا، قۇدالارى قانشا كۇتسە دە، قاريالار تۋعان جەرگە جەتكەنشە اسىعىپتى.
دەرەككوز: Nur.kz
