اقتاۋ تەڭىز پورتىن كەڭەيتۋ جوباسى بويىنشا ءۇش ايلاقتا جۇمىستار اياقتالۋعا جاقىن - م. يالباچيەۆ
اتالعان جوبا «يندۋستريالاندىرۋ كۇنىندە» جالپى ۇلتتىق تەلەكوپىر كەزىندە ەلباسى نۇرسۇلتان نازاربايەۆقا تانىستىرىلدى.
«بۇگىندە ءۇش ايلاق - استىق، كونتەينەرلىك جانە باس جۇكتەرگە ارنالعان ايلاقتار بويىنشا جۇمىستار اياقتالىپ كەلەدى. بيداي تەرمينالىنىڭ بارلىق التى سۇرلەمى كوتەرىلدى، قۇرال- جابدىقتاردى مونتاجداۋ جۇمىستارى اياقتالۋعا تايادى. ءتورتىنشى - پورت فلوتىنا ارنالعان ايلاق اياقتالۋعا جاقىن. سونىمەن قاتار اكىمشىلىك نىساننىڭ، سانيتارلىق- ەپيدەميولوگيالىق قىزمەتتەر ورتالىعىنىڭ، ماتەريالدىق قويمالاردىڭ، قۇرال- جابدىق قويماسى مەن گاراج ىرگەتاسى كوتەرىلىپ جاتىر. كولىكتەر ءۇشىن كىرۋ جولدارى دا توسەلىپ جاتىر. جۇمىس كەستەگە ساي جۇرگىزىلۋدە. 300 دەن استام جۇمىسشى تارتىلدى. نىساندى 2015 - جىلدىڭ ەكىنشى جارتىسىندا تاپسىرۋ كوزدەلگەن»، - دەدى «اقتاۋ حالىقارالىق تەڭىز ساۋدا پورتى» ۇلتتىق كومپانياسى» ا ق پرەزيدەنتى ميحايل يالباچيەۆ.
ونىڭ سوزىنە قاراعاندا، جوبا اياسىندا ءاربىرى 10 مىڭ توننالىق 6 بۋنكەردەن تۇراتىن استىق قامباسىنىڭ قۇرىلىسى قاراستىرىلعان. بۇل جىلىنا 1,5 ميلليون توننا استىق تاسىمالداۋعا جول اشادى. جىلىنا 1 ميلليون توننا جۇكتى وڭدەيتىن كونتەينەرلىك الاڭ مەن ءاربىرى 150 مەترلىك 3-ايلاق تەڭىز پورتىنىڭ كولىك الەۋەتىن ەداۋىر دامىتۋعا سەپتەسەدى.
جوبا ءۇش كەزەڭدە جۇزەگە اسىرىلادى. العاشقى كەزەڭ اياسىندا 2006-2011 - جىلدارى قورعانىش قۇرىلىمدارى سالىندى. قۇرىلىستىڭ جالپى سوماسى 10,82 ميلليارد تەڭگەنى قۇرادى، «قازاقستان دامۋ بانكى» ا ق قاراجاتى پايدالانىلدى.
قازىر ەكىنشى جانە ءۇشىنشى كەزەڭدەر بويىنشا جۇمىستار جۇرگىزىلىپ جاتىر. ەكەۋى دە بيىل اياقتالۋى ءتيىس. سوڭعىسىن جۇزەگە اسىرۋ ءۇشىن «Inter port development PTE.ltd» (سينگاپۋر، %60)، «KTZ Express» ا ق(30%) ، «اقتاۋ م م ت پ» ۇ ك» ا ق (%10) كومپانيالارىنىڭ قاتىسۋىمەن «اقتاۋ تەڭىز سولتۇستىك تەرمينالى» ج ش س قۇرىلدى.
