بۇگىن قازاقستان ماگنيتكاسىنىڭ دۇنيەگە كەلگەن كۇنى
1960-جىلى 3- شىلدەدە 1№ دومنا پەشى، تۇڭعىش شويىن قورىتتى. بۇل كۇن قاراعاندىداعى مەتاللۋرگيا كومبيناتىندا تۇڭعىش دومنا پەشى ىسكە قوسىلدى. بۇل كۇن قازاقستان ماگنيتكاسىنىڭ دۇنيەگە كەلگەن كۇنى بولىپ سانالادى.
قازاقستان ماگنيتكاسى زاۋىتىنىڭ قۇرىلىسى 1950-جىلى باستالعان ەدى. كولەمى 1513 м3 العاشقى دومنا پەشىن سالۋ 1957-جىلى جەلتوقساندا قولعا الىندى. 1958-جىلى ب ل ك ج و XIII سەزىندە قازاقستان ماگنيتكاسىن سالۋ بۇكىل وداقتىق ەكپىندى كومسومول قۇرىلىسى دەپ جاريالاندى. 1960-جىلى 3- شىلدەدە 1№ دومنا پەشى، تۇڭعىش شويىن قورىتتى، قاراشادا 2 كوكس باتارەياسى پايدالانۋعا بەرىلدى، 30- جەلتوقساندا قازاقستاندىق العاشقى كوكس الىندى.
كومبيناتتا 1980-جىلدارى 41 مىڭنان اسا ادام ەڭبەك ەتتى. 6 ادام سوتسياليستىك ەڭبەك ەرى اتاعىنا يە بولدى.
قازىرگى ۋاقىتتا تەمىرتاۋداعى بۇل زاۋىتتى «يسپات-ينتەرنەشنل» كومپانياسى باسقارۋدا. 1995-جىلى «يسپات-قارمەت» (قازىرگى «ميتتال-ستيل تەمىرتاۋ») ا ا ق قۇرىنىپ، مەتاللۋرگيا الىبىنىڭ 90-جىلدارى توقتاپ قالعان ءبىرشاما جۇمىستارى رەتكە كەلتىرىلدى. قولعا الىنعان شارالار ناتيجەسىندە سۇيىق بولات ءوندىرۋ 5,1 ميلليون تونناعا دەيىن، دايىن پروكات ءوندىرۋ 2,2 ميلليون توننادان 3,9 ميلليون تونناعا دەيىن ءوستى. ستراتەگيالىق ماقسات رەتىندە تەمىر رۋداسىن فوسفورسىزداندىرۋ، كەندى بايىتۋ، كومىر وندىرەگىن قۋاتتى جابدىقتار شىعارۋ، اتانسور كەنىشىنىڭ قۋاتىن ارتتىرۋعا ينۆەستيتسيالار سالىنىپ وتىر.
تەمىرتاۋداعى بۇل زاۋىت قازىرگى ۋاقىتتا قاراعاندى وبلىسىنىڭ ەلىمىزدىڭ وندىرىستىك لوكوماتيۆى اتانۋىنا ءوزىنىڭ زور ۇلەسىن قوسۋدا.
