وڭتۇستىك قازاقستاندىق ونەرپازدار استاناعا تارتۋ جاسادى

استانا. قازاقپارات - وڭتۇستىك قازاقستان وبلىسىنىڭ ونەرپازدارى «بىرلىگى جاراسقان ماڭگىلىك ەل» كونسەرتىن ۇيىمداستىردى، دەپ حابارلادى www.24.kz.

باستىسى، بيلەتتەر تەگىن تاراتىلدى. كونسەرت شىمىلدىعىن وبلىستىق فيلارمونيانىڭ «سۇگىر» اتىنداعى وركەسترى اشتى. ءداستۇرلى جانە كلاسسيكالىق تۋىندىلار شىرقالىپ، دۋمان 2 ساعاتقا جالعاستى.

«استانا قالاسىنىڭ تۋعان كۇنى - بۇكىل ەلدىڭ تۋعان كۇنى، بۇكىل ەلدىڭ مەرەكەسى. سوندىقتان وڭتۇستىك قازاقستان وبلىسىنىڭ ونەرپازدارى استانانىڭ تۋعان كۇنى قارساڭىندا جىل بويى دايىنداعان كەرەمەت تۋىندىلارىن، شىعارمالارىن، جالپى ونەرىن استانا قالاسىنىڭ تۇرعىندارى مەن قوناقتارىنا تارتۋ ەتەدى. سول داستۇرگە ساي وڭتۇستىك قازاقستان وبلىسىنان 170 ونەر ادامدارى كەلىپ وتىر»، دەدى و ق و مادەنيەت باسقارماسىنىڭ باسشىسى كۇليا ايداربەكوۆا.