ەلدىڭ بولاشاعى: وتاندىق ساياساتكەرلەردىڭ ۇلدارى - فوتو
ەلىمىزدە ساياساتتىڭ تۇتقاسىن ۇستاعان تانىمال ازاماتتاردىڭ ۇلدارىن comode.kz باسىلىمى تىزبەكتەدى.
نۇرالى اليەۆ
اناسى: داريعا نازاربايەۆا. اتاسى: قازاقستان پرەزيدەنتى نۇرسۇلتان نازاربايەۆ.
نۇرالى اليەۆ ساياساتتان گورى بيزنەسكە كوبىرەك بەت بۇرعان. نۇرالى - Capital Holding كومپانياسىنىڭ، پوليمەتاللدار وندىرەتىن «زەرتتەۋ» كەن ورنىنىڭ قوجايىنى. Hit Fm, Alma TV، ن ت ك جانە «تەلەكروندا» ۇلەستەرى بار. سوڭعى جىلدارى نۇرالى قۇرىلىس پەن مەيرامحانا كاسىبىنە دە قىزىعۋشىلىق تانىتۋدا. الماتىداعى Donatello بۋتيك-مەيمانحاناسى اليەۆتىڭ يەلىگىندە.
بۇدان وزگە نۇرالى استانا قالاسى اكىمىنىڭ ورنىباسارى قىزمەتىنە تاعايىندالعان. ول اباي اتىنداعى قازاق ۇلتتىق ۋنيۆەرسيتەتىن ەكونوميكا جانە قارجى مامانداعى بويىنشا، پەپپەردين ۋنيۆەرسيتەتىن (بيزنەس- اكىمشىلەندىرۋ) جانە يمادەك ۋنيۆەرسيتەتىنىڭ ماگيستراتۋراسىن (بيزنەس- اكىمشىلەندىرۋ) ءتامامداعان.
ماكسيم بوجكو
اكەسى: 2007-2014-جىلدار ارالىعىندا توتەنشە جاعدايلار ءمينيسترى بولعان ۇلتتىق قاۋىپسىزدىك كوميتەتىنىڭ گەنەرال-لەيتەنانتى ۆلاديمير بوجكو.
تانىمال شەنەۋنىكتىڭ ۇلى كوبىنە رەسەيلىك ەكونوميكا نارىعىندا كوزگە ءتۇسىپ ءجۇر. بىرنەشە اگروونەركاسىپتىك كەشەندەردىڭ باسشىسى قازاقستاننىڭ اۋىل شارۋاشىلىعىن دامىتۋدا. «اقمولا فەنيكس» پەن «شاڭىراق گرۋپپ» كومپانيالارىنىڭ يەسى ب ا ق- قا سيرەك سۇحبات بەرەدى. سوڭعى مالىمەتتەرگە سايكەس، ماكسيم لوندوندا تۇرادى. ول استانا مەن ماسكەۋگە ءىس-ساپارمەن ءجيى كەلەدى.
پاۆەل كۋلاگين
اكەسى: اقمولا وبلىسىنىڭ اكىمى سەرگەي كۋلاگين.
اقمولا وبلىسى اكىمىنىڭ ۇلى مەكتەپ بىتىرە سالىسىمەن ماسكەۋگە كوشكەن. سول جەردە لومونوسوۆ اتىنداعى مەملەكەتتىك ۋنيۆەرسيتەتتى ءتامامداپ، رەسەي مەملەكەتتىك قىزمەت اكادەمياسىن بىتىرگەن. 2004-جىلدان باستاپ پاۆەل تەك كوممەرتسيالىق قۇرىلىمداردا قىزمەت ەتۋمەن بولعان. 2007-جىلدىڭ باسىندا پاۆەل ساياساتقا ارالاسا باستادى. ەكى جىل بۇرىن ول استانادا كوممۋنالدى شارۋاشىلىقتى باسقارۋدى قولعا العان. پاۆەل ازىرگە ۇيلەنبەگەن جانە كوپ ۋاقىتىن جۇمىسقا جۇمسايدى.
عالىمجان ەسەنوۆ
اكەسى: گەولوگيا عىلىمدارىنىڭ دوكتورا شاحماردان ەسەنوۆ. قايىن-اتاسى: الماتى اكىمى احمەتجان ەسىموۆ.
الماتى اكىمىنىڭ كۇيەۋ بالاسى قارجى سالاسىندا ورنىعىپ ۇلگەرگەن. ول «سەيمار» ينۆەستيتسيالىق توبىن باسقارىپ، «اليانس بانكى» ديرەكتورلار كەڭەسىنە مۇشە بولعان. KNG Finance باس ديرەكتورى، «ا ت ف بانكى» ديرەكتورلار كەڭەسىنىڭ ءتوراعاسى قىزمەتتەرىن اتقارادى. ەكى جىل بۇرىن عالىمجان Shakhmardan Yessenov Foundation عىلىم-ءبىلىم قورىنىڭ نەگىزىن قالاپ، اكەسىنىڭ ءىسىن جالعاستىرادى. 7 جاسقا دەيىنگى بالالارى بار جاس انالارعا ءۇي ۇسىناتىن «دوم مامى» جوباسىن باسقاردى. عالىمجاننىڭ ءبىر ۇل بار.
يگور شكولنيك
اكەسى: ەنەرگەتيكا ءمينيسترى ۆلاديمير شكولنيك.
2015-جىلدىڭ مامىرىندا Forbes جۋرنالى يگوردى قازاقستاننىڭ ەڭ قالتالى 50 ازاماتتارى قاتارىنا كىرگىزدى. 2011-جىلى ب ا ق ونىڭ ەڭ ايتۋلى قادامىن - رەسەيلىك مۇناي وڭدەۋ زاۋىتىن ساتىپ الۋىن تالقىلاۋمەن بولدى. يگور - ۆلاديميردىڭ ورتانشى ۇلى. ونىڭ ساياساتقا ارالسا بەرمەيتىن قارىنداسى مەن باۋىرى بار. بۇگىندە يگور اكەسىنەن وقشاۋ ءوز كاسىبىن جالعاستىرۋدا. ول الماتىعا سيرەك كەلەدى. كوپ ۋاقىتىن ماسكەۋ مەن ومسكىدە جۇمسايدى.
قۋاندىق بىشىمبايەۆ
اكەسى: پارلامەنت ءماجىلىسىنىڭ دەپۋتاتى ءۋاليحان بىشىمبايەۆ.
33 جاستاعى تانىمال شەنەۋنىك «سامۇرىق-قازىنا» قورى باسقارماسىنىڭ ءتوراعا ورىنباسارى قىزمەتىن اتقارادى. قۋاندىق ا ق ش- تاعى دجوردج ۆاشينگتون ۋنيۆەرسيتەتىندە ءبىلىم العان. 21 جاسىندا قازاقستان دامۋ بانكىنىڭ باس مەنەدجەرى بولىپ تاعايىندالۋىنا وراي، وقۋدى جەدەل اياقتاۋىنا تۋرا كەلگەن. ءبىر جىلدان كەيىن ەكونوميكا جانە بيۋدجەتتىك جوسپارلاۋ مينيسترلىگىنە قىزمەتكە تۇرادى. 2006-2012-جىلدار اراسىندا قۋاندىق مانساپ جولىندا ءبىراز جەتىستىكتەرگە جەتتى. پرەزيدەنت كومەكشىسى، ەكونوميكالىق دامۋ جانە ساۋدا-ساتتىق ۆيتسە-ءمينيسترى، بىرنەشە كورپوراتسيا باسقارمالارىنىڭ ءتوراعاسى قىزمەتتەرىن اتقاردى. قۋاندىقتىڭ ءۇش ۇلى بار. ەڭ كىشىسى 4 جاستا.
سامات ءابىش
اعاسى: پرەزيدەنت نۇرسۇلتان نازاربايەۆ.
پرەزيدەنتتىڭ نەمەرە ءىنىسى ۇلتتىق قاۋىپسىزدىك كوميتەتىندە جۇمىس ىستەمەي تۇرىپ، اسكەري بورىشىن وتەگەن. وتكەن جىلى گەنەرال-مايور اتاعىن يەلەندى. مەملەكەتتىك قىزمەتپەن قاتار سامات بيزنەسپەن دە اينالىسادى. ب ا ق- تا ونى باۋىرى قايرات ساتىبالدىنىڭ ءىزىن باسۋشى دەپ اتايدى. قايرات ساتىبالدى 34 جاسىندا قازاقستاندىق ارنايى قىزمەتتىڭ ەڭ جاس گەنەرالى اتانعان. سامات ب ا ق- تا ءجيى كورىنبەيدى جانە كوپ ۋاقىتىن ايەلى مەن ەكى بالاسىنا جۇمسايدى.
مارات بەكەتايەۆ
اكەسى: ادىلەت ءمينيسترىنىڭ كەڭەسشىسى بەكەتايەۆ باقىتجان.
2000-جىلى مارات لوندوندىق ەكونوميكا جانە ساياسي عىلىمدار مەكتەبىن ءتامامداپ، الماتىدا بريتاندىق كەڭەستىڭ قۇقىقتىق ماسەلەلەر بويىنشا كونسۋلتانتى قىزمەتىن اتقارادى. مارات بۇگىندە ادىلەت مينيسترلىگىنىڭ جاۋاپتى حاتشىسى. وتباسىلى. الينا جانە ماليكا ەسىمدى ەكى قىزى بار.
ەسكە سالساق، بۇعان دەيىن قازاقستاندىق تانىمال ساياساتكەرلەردىڭ ەل اۋزىندا جۇرگەن قىزدارىنىڭ ءتىزىمىن جاريالاعان بولاتىنبىز.
Nur.kz
