استانادا جاناي وماروۆتىڭ جاڭا كىتابى تانىستىرىلدى - فوتو

استانا. قازاقپارات - ق ر ۇلتتىق اكادەميالىق كىتاپحاناسىندا بەلگىلى مەملەكەت جانە قوعام قايراتكەرى، «نۇر مەديا» حولدينگىنىڭ باس ديرەكتورى جاناي وماروۆتىڭ «ۆرەميا، كوتوروە جيۆەت ۆ ناس» كىتابىنىڭ تۇساۋكەسەرى ءوتتى.

كىتاپقا اۆتوردىڭ باسپا باسىلىمدارىندا شىققان تاڭداۋلى ماقالالارى مەن سۇحباتتارى، دەرەكتى فيلم سەناريلەرى، ءار جىلدارى جارىققا شىققان جەكەلەگەن ماتىندەرى ەندى.

«بۇل كىتاپتى شىعارۋ يدەياسىنىڭ پايدا بولعانىنا دا كوپ بولعان جوق، ەكى اتاۋلى كۇننىڭ جاقىنداپ قالعانىن ويعا العاندا، جازىلعان، جارىققا شىققان دۇنيەلەردەن قورىتىندى شىعارۋ قاجەتتىلىگى تۋىنداعانىن سەزىندىم. بۇعان 1994-جىلعى «پانوراما» گازەتىنە شىققان كىشكەنتاي ماقالامنان باستاپ 20 جىل ىشىندە جيناقتالعان تاڭداۋلى تۋىندىلارىم كىردى. باستى تاقىرىپ، ارينە، ەلدىڭ الەۋمەتتىك-ەكونوميكالىق، ساياسي دامۋى، ەلدىڭ قالىپتاسۋىنداعى ۇلت كوشباسشىسى - ق ر تۇڭعىش پرەزيدەنتىنىڭ تاريحي ءرولى بولدى»، - دەدى ج. وماروۆ.

اۆتور ءوز كىتابىندا مەملەكەتتىك، قوعامدىق قۇرىلىمداردا، بۇقارالىق اقپارات قۇرالدارىنداعى ءوزىنىڭ جۇمىسىمەن بايلانىستى ويلار مەن ەستەلىكتەردى بولىسەدى. بۇل وقىرمان قاۋىمعا اۆتوردىڭ تاجىريبەسى مەن اسەرى ارقىلى تاۋەلسىز قازاقستاننىڭ قالىپتاسۋى مەن دامۋى جولىنداعى جىلداردىڭ ايقىن بەينەسىن پاش ەتەدى.

«بۇل ەستەلىكتەر مەن ءۇشىن وتكەن مەن بۇگىن اراسىنداعى كوپىر ىسپەتتەس جانە ماعان، ەندى قازىر وقىرماندارعا دا كوپتەگەن وقيعالار مەن ادامدار جايلى ەستەلىكتەردى ەسكە الۋ مۇمكىندىگىن سىيلايدى»، - دەپ قوستى ول.