ەلباسىنىڭ كومەكشىسى نازاربايەۆ جايلى كىتاپ جازدى
كىتاپتىڭ اۆتورى - تانىمال قازاقستاندىق ديپلومات، ق ر پرەزيدەنتىنىڭ كومەكشىسى نۇرلان بايمولدا ۇلى ونجانوۆ.
باسپا ءسوز قىزمەتىنىڭ مالىمەتىنشە، كىتاپ نۇرسۇلتان نازاربايەۆتىڭ ۋكراينالىق داعدارىستى تەك بەيبىت جولمەن رەتتەۋ جولدارىنىڭ ىزدەنىسىنە باعىتتالعان بەلسەندى قىزمەتىنە ارنالىپ، مايداننان مينسكىدەگى «نورماند تورتتىگى» ەلدەرى باسشىلارىنىڭ اقپاندىق كەزدەسۋىنە دەيىنگى وقيعالارى تۋرالى باياندايدى.
«وسىنداي جاۋاپتى ميسسيا تەك ناعىز ەۋرازياشىل، قارسى تۇرۋشىلىقتىڭ ەمەس، باسەكەلەستىكتىڭ جاقتاۋشىسى، الەمدىك دەڭگەيدەگى دايەكتى جانە سارابدال ساياساتكەر نۇرسۇلتان نازاربايەۆتىڭ عانا قولىنان كەلەدى»، - دەلىنگەن كىتاپتىڭ العىسوزىندە.
كىتاپتا كوپتەگەن سۇراققا جاۋاپ تابىلادى.
كەدەندىك وداق ەلدەرى باسشىلارىنىڭ، ۋكراينانىڭ جانە ە و باسشىلىعىنىڭ 2014 -جىلعى 26 -تامىزداعى مينسكىدەگى كەزدەسۋىنە نە جانە كىم تۇرتكى بولدى؟ «نورماند تورتتىگى» ەلدەرى باسشىلارىنىڭ كەزدەسۋى نەلىكتەن 2015 -جىلى 15 -قاڭتاردا استانادا وتكىزىلەدى دەپ جوسپارلانىپ، اقىرى 11-12 -اقپاندا مينسكىدە ءوتتى؟ وسى ۇدەرىستەردىڭ بارلىعىندا قازاقستان پرەزيدەنتى نۇرسۇلتان نازاربايەۆتىڭ ءرولى قانداي؟ ەلباسىنىڭ بۇگىنگى ويلارى قانداي؟ ول قاي باستامالاردى العا شىعارادى؟ ول دۇنيەجۇزى قاۋىمداستىعىنىڭ دامۋىن قالاي ەلەستەيدى؟
كىتاپ وقىرمان نازارىنا ادامي قاتەلىكتەردەن زارداپ پەن قۇرباندىققا قانشالىقتى وڭاي شالدىعاتىنى جانە سودان كەيىن بەيبىتشىلىك پەن دامۋ جولىنا قايتا ءتۇسۋدىڭ قانشالىقتى قيىن بولاتىنى تۋرالى وي تاستايدى.
