استانا تۇركى الەمىنىڭ مادەني استاناسى اتاۋىنا ابدەن لايىق - اكتەر نۇرجان تۇتوۆ
قالانىڭ قايتالانباس ساۋلەتى، ماڭىزدى مادەني نىساندار قازاقستان تۇگىل بۇكىل تۇركى الەمىنىڭ استاناسى دەپ اتالۋىنا تولىق قاقىسى بار.
مۇنداي پىكىرىمەن «تاماشا» ءازىل-سىقاق تەاترىنىڭ رەجيسسەرى، بەلگىلى قازاقستاندىق شوۋمەن نۇرجان تۇتوۆ ءبولىستى.
«ءبىزدىڭ استانامىزدا وسى اتاۋعا لايىق بولاتىنداي بارلىق مۇمكىندىك بار. قايتالانباس ساۋلەت ءستيلى، قايناپ جاتقان شىعارماشىلىق ءومىر، وپەرا تەاترى سياقتى الەمدىك اۋقىمداعى مادەني نىساندار قالامىزدىڭ مەرەيىن ودان ءارى ارتتىرا تۇسەدى»، - دەدى نۇرجان تۇتوۆ.
ونەر ادامى قالامىزدىڭ الەمدىك استانالاردىڭ رەيتينگىندە كوش باستاۋىنا تىلەكتەستىك ءبىلدىردى.
«ءبىز كوپ تۇرعىدان ەۋروپا، ا ق ش، رەسەي ەلدەرىمەن يىق تىرەسىپ تۇرعان ەلمىز. مەنىڭ قىزىم الەكساندرياعا وقۋعا بارعىسى كەلدى. مەن «قىزىم، ءوزىمىزدىڭ ەلدە دە مىقتى وقىتۋشىلار بار، ەۋرازيا ۇلتتىق ۋنيۆەرسيتەتىنە تۇسەمىز. ءوز ەلىڭدى، ءوز وتانىڭدى ءسۇيۋىڭ كەرەك دەدىم»، - دەپ سىر ءبولىستى اكتەر.
اۆتور: گۇلميرا عوسمانالي
