ن. نازاربايەۆ: ءبىزدىڭ بۋىن ىستەگەن ەڭبەك ءارقاشان حالىقتىڭ ەسىندە قالادى

 استانا. قازاقپارات - قازىرگى كەزدە بىزگە ءوزىمىزدىڭ جۇمىسىمىزدى ايانباي، دۇرىس ءارى ادال نيەتپەن ىستەۋ كەرەك. «حابار» تەلەارناسىندا «نازاربايەۆپەن ەڭ باستىلار جايىندا.. .» اتتى دەرەكتى سۇحباتىندا ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.

«تۋعاننان باستاپ ءار ادامعا قانداي دا ءبىر قۋات بەرىلەدى. وسى كۇش- جىگەر وزىڭدە جانىپ تۇرسا، ادام ءومىر سۇرەدى. قۋاتىڭ تاۋسىلعاننان كەيىن، جەردەگى مەكەندەۋىڭ دە اياقتالادى. مەن وسى جايىندا ويلايمىن، ياعني نەسىبەمە بەرىلگەن قۋات مەنى ادام رەتىندە الىپ شىعىپ، ۋاقىت پەن تاعدىر مەنىڭ يىعىما جۇكتەگەن ۇلكەن جۇمىستى ەڭسەرۋگە مۇمكىندىك بەردى. ارينە، 25 جىل جاستاۋ بولدىم، سۇحبات بارىسىندا كورسەتىلگەن دەرەكتى فيلمدەردە جالىندى سوزدەرمەن سويلەپ جاتقانىمدى بايقادىڭىزدار»، - دەپ توقتالدى مەملەكەت باسشىسى.

وسى ورايدا پرەزيدەنت ءوزىنىڭ قاتارلاس زامانداستارى ىستەگەن ەڭبەك ءارقاشان حالىقتىڭ ەسىندە قالاتىندىعىن اتاپ ءوتتى.

 ەلباسى ادام قىزمەت ىستەپ جاتقان كەزەڭدە ءاردايىم سىن بولاتىندىعىن جانە بۇل قالىپتى ءۇردىس ەكەنىن ايتا كەلە: «ۋاقىت وتكەن سايىن بولاشاق ۇرپاق ءبىزدىڭ قالدىرعان مۇرامىزدى وبەكتيۆتى باعالايتىن بولادى. قازىرگى كەزدە بىزگە ءوزىمىزدىڭ جۇمىسىمىزدى ايانباي، دۇرىس ءارى ادال نيەتپەن ىستەۋ كەرەك. ءبىرىنشى ماقسات - دامىعان 30 ەلدىڭ قاتارىندا بولۋ»، - دەدى.

 بۇل تۇرعىدا مەملەكەت باسشىسى قازاقستاندى الەمنىڭ وزىق 30 ەلىنىڭ دەڭگەيىنە كوتەرۋ ەلىمىزدىڭ بولاشاعى ەكەنىن، سونداي- اق ءاربىر قازاقستاندىق وتانىن ودان ارى قاراي قۋاتتى ەتۋى ءۇشىن جانە ءوزىنىڭ ءومىرىن جاقسارتۋ ءۇشىن ەڭبەك سۇيگىش بولۋى قاجەت ەكەنىن قاداپ ايتتى.

«حالىق وزىنە نە ۇسىنىلىپ وتىرعانىن جاقسى تۇسىنەدى، سوندىقتان دا مەن جاريالاعان باعدارلامانى قولداپ وتىر. سوڭعى سايلاۋعا ءبىراۋىزدان قاتىسۋى دا سونىڭ ايعاعى»، - دەي كەلە ەلباسى بۇل سايلاۋعا قاتىستى بارشا جۇرتشىلىققا ريزاشىلىعىن ءبىلدىردى.

«ەشقانداي بۇزۋشىلىق بۇل سايلاۋدا بولعان جوق، ا ق ش- تان باستاپ ءبارى مۇنى اتاپ ءوتتى. ا ق ش العاش رەت سايلاۋ ءۇشىن حالىقتىڭ كەزەككە تۇرعانىن مويىنداعان شىعار»، - دەدى ن. نازاربايەۆ.

سونىمەن قاتار، ەلباسى سوڭعى سايلاۋدىڭ ەلىمىز ءۇشىن ماڭىزدى بولعانىن اتاپ ءوتتى.

«ساياسات تانۋشىلار تۇسىنگەن شىعار، مەن ءوزىم العاش رەت بىزدە ۇلتتىڭ قالىپتاسقانىن سەزدىم. قانداي دىنگە، ەتنوسقا جاتاتىنىنا قاراماستان حالىق ءبىر ادامعا داۋىس بەردى. ءبارى تەڭ بولدى. ءبىز وسى ساياساتتى جالعاستىرۋعا ءتيىسپىز. وسىنى ءبارى، قازاق تا، ۋكراين، ورىس تا ءتۇسىنۋى شارت: ءبىز وسىنداي بىرلىكتىڭ ارقاسىندا عانا بىرتەكتى ۇلت بولا الامىز. قازاقشا ايتقاندا، ءبىز ۇلت بولا باستاعانىمىزدى وسى سايلاۋدا كورسەتتىك. وسى باعىتتا العا جىلجىساق، بۇل - كەرەمەت ماسەلە»، - دەدى ن. نازاربايەۆ.

اۆتور: قانات مامەتقازى ۇلى