ءبىزدىڭ جەرىمىز بىزگە ءبارىن بەرە الادى - ن. نازاربايەۆ
ەلباسى اڭگىمە بارىسىندا ەۋرازيالىق ەكونوميكالىق وداقتىڭ نەگىزگى باعىتتارىنا توقتالا كەلە، بۇل بىرلەستىكتىڭ قۇرىلار باستاۋىندا باسەكەلەستىكتىڭ جوعارى بولاتىنى تۋرالى ەسكەرتكەنىن العا تارتتى. «ەگەر ءبىز باسەكەلەستىكتى ءۇش مەملەكەت اراسىندا كوتەرە الماساق، وندا د س ۇ- عا كىرىپ وتىرىپ، قالاي شىداماقپىز؟ باسقاسىن ايتپايىق، وسىعان ۇڭىلەيىك. رەسەيدە رۋبل ءسال شايقالىپ ەدى، ءبارى سول جاققا اعىلدى. بۇنىڭ بولعانى دا ءبىر جاعىنان جاقسى بولدى، ءبىر سەرگىتىپ تاستادى. ارينە، بۇل ازاماتتار ءۇشىن جاقسى، وعان نەگە قارسى بولۋىمىز كەرەك. تاۋارلار ءتاۋىر بولسا، ساپاسى سايكەس، باعاسى تومەن بولسا، بۇدان ارتىق نە كەرەك؟ ءبىز وسىعان ۇمتىلۋدامىز» ، - دەدى ن. نازاربايەۆ.
سونىمەن قاتار، مەملەكەت باسشىسى باسەكەلەستىكتىڭ نە ەكەنىنە نازار اۋدارا كەلە، بۇعان ەڭ الدىمەن يننوۆاتسيا مەن عىلىم كەرەك ەكەنىن ايتتى. «بىزگە بۇنىڭ ءومىردىڭ ءوزى العا تارتىپ وتىرعان قاجەتتىلىك ەكەنىن ءتۇسىنۋ كەرەك، باسقا جولىمىز دا جوق. ارينە، ءبىزدىڭ وڭتۇستىك كورشىلەرىمىزبەن بۇنداي بىرلەستىك بولسا جاقسى بولاتىن ەدى، الايدا قىرعىزستاننىڭ نارىعى ءبىز ءۇشىن از» ، - دەدى ن. نازاربايەۆ.
سونىمەن قاتار، مەملەكەت باسشىسى ە ا ە و اياسىندا قازاقستاندىق باسىمدىقتىڭ اۋىل شارۋاشىلىعى سالاسىندا دا بولۋى تيىستىگىنە باسا نازار بۇردى. «ءبىزدىڭ جەرىمىز بىزگە ءبارىن بەرە الادى. ءبىزدىڭ شارۋالارىمىز جاقسى ءومىر ءسۇرىپ، بۇكىل قازاقستاندى اسىراي الاتىنداي دەڭگەيگە جەتۋى كەرەك. ال كىم قارجىلاندىرىپ جاتىر، مەنەدجمەنت قالاي قامتىلدى، ترەيدينگتەرىن كىم قامتىپ جاتىر؟ قاراپايىم ادامعا بۇنىڭ قاجەتى شامالى. ال مەملەكەت ءوزىنىڭ زاڭدارىمەن سونداي كومپانيالارعا قاتىسىپ، ءبارىن ءوز ۋىسىندا ۇستايدى. سوندىقتان دا، ەشكىمگە الاڭداۋعا نەگىز جوق. قازاقستانداعى شەتەلدىك بولسىن، باسقا بولسىن، ولاردىڭ ءبارى مەملەكەتتىڭ باقىلاۋىندا تۇر. ونداي كومپانيالار وزدەرىنىڭ اكتسيالارىن مەملەكەتسىز ساتا المايدى، ەڭ ءبىرىنشى ۇسىنىس تا مەملەكەتكە جاسالۋى ءتيىس. قۇرىلىمدى دا اۋىستىرا المايدى. سوندىقتان دا ءبىز ولاردى باقىلاي وتىرىپ، وزدەرىنىڭ جۇمىس ىستەۋىنە دە جاعداي جاساپ جاتىرمىز» ، - دەدى ن. نازاربايەۆ.
