ادامزاتقا بەيمالىم الىپ تەڭىز جانۋارىنىڭ دەنەسى جاعاعا شىعىپ قالدى - فوتو

استانا. قازاقپارات - رەسەيدىڭ  ساحالينسك وبلىسى شاحتەرسك اۋەجايى ماڭىنداعى جاعالاۋدان قۇيىرشىعىندا جانە بۇكىل دەنەسىندە تۇگى بار بەلگىسىز تەڭىز جانۋارىنىڭ سۇيەگى تابىلدى.

بۇل تۋرالى SakhalinMedia حابارلايدى.

 كوپتەگەن جەرگىلىكتى ب ا ق اقپاراتتى ءىلىپ اكەتتى، ال الەۋمەتتىك جەلى پايدالانۋشىلارى بۇل قۇپيا جاراتىلىستىڭ نە ەكەنىن ءدوپ باسىپ ايتا الماي، ءتۇرلى نۇسقالاردى تالقىعا سالۋدا. بۇل جايىندا ساحالين بالىق شارۋاشىلىعى جانە مۇحيتتانۋ عىلىمي- زەرتتەۋ ينستيتۋتىنىڭ بولجاۋ ءبولىمى باستىعىنىڭ ورىنباسارى نيكولاي كيم SakhalinMedia АА تىلشىسىمەن اڭگىمەلەسۋ بارىسىندا ءوز پىكىرىن ءبىلدىردى.

- بۇل دەلفين ءتۇرى بولۋى مۇمكىن دەپ سەنىمدى تۇردە ايتا الامىن. الايدا تۇگى بار. بۇل توسىن جايت. دەلفيندەردە تۇك بولمايدى. ەگەر رەتى كەلسە، ەرتەڭ بارىپ، ونى زەردەلەۋگە كىرىسەمىن.