قازاقستاندا الەمدىك دەڭگەيدەگى كەن ورنى اشىلماق
مامانداردىڭ الدىنا كەم دەگەندە 1 ميلليارد توننا مىس قورى بار كەن ورنىن تابۋ ماقساتى قويىلعان.
بريتاندىق الپاۋىت كومپانيامەن بىرلەسە جۇزەگە اسىرىلاتىن جوباعا 15 ميلليون ا ق ش دوللارى كولەمىندە ينۆەستيتسيا تارتىلدى. تاعى ءبىر جوبا كورەيلىك كومپانيانىڭ قاتىسۋىمەن قولعا الىنباق. وندا وزىق تەحنولوگيالاردى پايدالانۋ ارقىلى كەن ورىندارىن ىزدەۋ جۇرگىزىلەدى. بارلاۋ جۇمىستارىنا 2 ميلليون ا ق ش دوللارى بولىنگەن.
عالىم نۇرجانوۆ، «قازگەولوگيا» ۇلتتىق گەولوگيالىق بارلاۋ كومپانياسىنىڭ باسقارما ءتوراعاسى:
- باستاپقى كەزەڭدە وسى كومپانيالار 5,5 ميلليارد تەڭگەنى بۇرعىلاۋ جۇمىستارىنا ءبولىپ وتىر. بۇل جۇمىستار 3-4 جىل ىشىندە جۇرگىزىلەدى. قازىر ۇكىمەت تاراپىنان دا بارلاۋ جۇمىستارىنا كوڭىل ءبولىنىپ وتىر. مونوقالالاردى قولداۋ ءۇشىن، سولاردىڭ مينەرالدى شيكىزاتتارىن ۇلعايتۋ ءۇشىن ۇكىمەت تاراپىنان، «قازگەولوگيادان» 1 ميلليارد تەڭگە ءبولىندى. سونىڭ ىشىندە 6 جوبا قاراعاندى وبلىسىندا ورنالاسقان.
