رەسەي فەدەراتسياسى جۋرناليستەر وداعى نۇرسۇلتان نازاربايەۆتى «ەڭبەگى ءۇشىن» بەلگىسىمەن ماراپاتتادى
بۇل تۋرالى رەسەي جۋرناليستەر وداعىنىڭ حاتشىسى يۋري باتۋرين «سوزيداتەل. نۋرسۋلتان نازاربايەۆ: ۆزگلياد يز روسسيي» اتتى جاڭا كىتاپتىڭ تۇساۋكەسەرى بارىسىندا حابارلادى.
«سوزيداتەل. نۋرسۋلتان نازاربايەۆ: ۆزگلياد يز روسسيي» كىتابى ءۇش بولىمنەن تۇرادى.
ونىڭ العاشقىسىنا كورنەكتى رەسەيلىك پۋبليتسيستەردىڭ، شولۋشىلاردىڭ، حالىقارالىق جۋرناليستەردىڭ نۇرسۇلتان ءابىش ۇلى نازاربايەۆ تۋرالى وچەركتەرى ەنگەن.
جيناققا قاتىسقان پۋبليتسيستەردىڭ ىشىندە شىعارماشىلىق وداق، ءىرى باسىلىم جەتەكشىلەرى، جوعارى ناگرادا كاۆالەرلەرى مەن مارتەبەلى سىيلىقتاردىڭ لاۋرەاتتارى: ۆسيەۆولود بوگدانوۆ، ۆلاديمير گۋباريەۆ، رافاەل گۋسەينوۆ، ۆالەري سيمونوۆ، يۋري باتۋرين، كيريلل پريۆالوۆ، لەونيد ملەچين، نيكولاي دولگوپولوۆتى ايتۋعا بولادى.
ن. نازاربايەۆتىڭ 75 جىلدىق مەرەيتويىنا ارنالعان قۇتتىقتاۋلار جانە ەلباسىنىڭ وزىنە تىكەلەي ايتىلعان ارناۋلار كىتاپتا جەكە ءبولىم بولىپ باسىلعان. اۆتورلار اراسىندا رەسەي پارلامەنتىنىڭ سپيكەرى ۆالەنتينا ماتۆيەنكو جانە سەرگەي نارىشكين، ر ف قورعانىس ءمينيسترى سەرگەي شويگۋ، ە ا ە ك القا ءتوراعاسى ۆيكتور حريستەنكو، ۇ ق ش ۇ باس حاتشىسى نيكولاي بورديۋجا، تاتارستان باسشىسى رۋستام ميننيحانوۆ، باشقۇرتستان باسشىسى رۋستەم حاميتوۆ، داعىستان باسشىسى رامازان ابدۋلاتيپوۆ بار.
سونداي-اق مەرەيتويعا بايلانىستى ءوز قۇتتىقتاۋىن: عارىشكەر- ۇشقىش الەكسەي لەونوۆ، سۋرەتشى زۋراب تسەرەتەلي، «لۋكويل» پرەزيدەنتى ۆاگيت الەكپەروۆ، «ارگۋمەنتى ي فاكتى» گازەتىنىڭ باس رەداكتورى نيكولاي زياتكوۆ، ر ف س ءى م ديپلوماتيالىق اكادەمياسىنىڭ رەكتورى ەۆگەني باجانوۆ، «روسنانو» كومپانياسىنىڭ باسشىسى اناتولي چۋبايس، رەسەي مۋفتيلەر كەڭەسىنىڭ ءتوراعاسى راۆيل گاينۋتدين، رەسەيدىڭ تانىمال ارتىستەرى: يۋري گريگوروۆيچ، الەكساندر كالياگين، ۆالەريي گەرگيەۆ، يۋريي باشمەت، ۆلاديمير سپيۆاكوۆ، سەرگەي شاكۋروۆ، كومپوزيتور يگور كرۋتوي، سپورتشى ەلەنا يسينبايەۆا جانە رينات داسايەۆ سىندى تۇلعالار دا جولداعان.
سونىمەن قاتار كىتاپتىڭ تۇساۋكەسەرىندە قازاقستان پرەزيدەنتىنىڭ ءوزىن مويىنداتقان الەمدەگى كوشباسشىلاردىڭ ءبىرى بولۋىنا ىقپال ەتكەن ونىڭ جان-جاقتى قايراتكەرلىگى مەن جەكە تۇلعاسىنىڭ اۋقىمدىلىعى ايتىلدى.
