ا ق ش پرەزيدەنتتىگىنە ۇمىتكەر دونالد ترامپ سىنعا ىلىكتى
بۇعان پرەزيدەنتتىك سايلاۋعا قاتىسۋعا نيەت بىلدىرگەن دونالد ترامپتىڭ مەكسيكالىق كەلىمسەكتەر جونىندە ايتقان سوزدەرى سەبەپ بولعان.
جىلجىمايتىن مۇلىك الپاۋىتى، ميللياردەر دونالد ترامپ 16 -ماۋسىمدا پرەزيدەنتتىك سايلاۋعا قاتىساتىنىن جاريالاعان. سول كەزدە يمميگراتسيا ماسەلەسىنە توقتالعان ول مەكسيكامەن اراداعى شەكارادا قورعان سالۋدى ۇسىنىپ، كەلىمسەكتەردى قىلمىسكەرلەر دەپ اتاعان.
دونالد ترامپ، ا ق ش پرەزيدەنتتىگىنە ۇمىتكەر:
- مەكسيكا بىزگە جاقسى ادامدارىن جىبەرىپ وتىرعان جوق. ماسەلەلەرى كوپ حالقىن جىبەرەدى جانە ولار سول پروبلەمالارىن وسىندا، بىزگە اكەلەدى. ەسىرتكى مەن قىلمىستى ءوسىرىپ تۇرعان وسى قاراقشىلار.
بۇل سوزدەرى امەريكا قاۋىمىنىڭ نارازىلىعىن تۋدىردى. كوپتەگەن ساياساتكەرلەر، قوعام قايراتكەرلەرى ترامپتى قاتاڭ سىنعا العان. بۇقارالىق اقپارات قۇرالدارى دا شەتتە قالعان جوق. NBC تەلەارناسى جىل سايىن دونالد ترامپپەن بىرلەسىپ جاساپ جۇرگەن «جاھان ارۋى» جانە «ا ق ش ارۋى» سايىستارىن ەندى كورسەتپەيتىن بولدى. وسىعان دەيىن ا ق ش-تاعى يسپان تىلىندە حابار تاراتاتىن ەڭ ءىرى تەلەارنا «يۋنيۆيجون» دە بۇل سايىستاردى كورسەتۋدەن باس تارتقان.
تەسسي بوردەن، ورتالىق امەريكامەن بايلانىس ورتالىعىنىڭ جەتەكشىسى:
- ونىڭ كوزقاراسى ۇلكەن قۇپيا ەمەس، ءبىراق ەلىمىزدەگى ەڭ جوعارى لاۋازىمعا ۇمىتكەر تۇلعانىڭ حالقىمىزدىڭ ءبىر ۇلكەن توبىنا قاتىستى وسىنداي پىكىر ايتۋى جاراسپايدى. ول جەكە وي-پىكىرىن وزىندە ۇستاپ، بۇكىل ەلدىڭ مۇددەسىن بىلدىرۋگە ءتيىس.
بۇل ەلدە لاتىن امەريكالىقتار تۇرادى، سايلاۋ قۇقىعى بار زاڭدى تۇرعىندارىمىز جانە ولار داۋىس بەرگەندە، بۇل جونىندە پىكىرلەرىن جەتكىزە الادى. ميللياردەر سوزدەرى ءۇشىن كەشىرىم سۇرامايتىنىن، كەرىسىنشە، تەلەارنانىڭ ۇستىنەن سوتقا شاعىم تۇسىرەتىنىن مالىمدەدى.
دونالد ترامپ «جاھان ارۋى» سايىسىن وتكىزۋ قۇقىعىن 1996 -جىلى ساتىپ العان بولاتىن.
www.24.kz
