اتىراۋدا الاياق ايەل ءوز جازاسىن الدى
«ن. ەرماشيەۆا سەنىمگە قيانات جاساۋ ارقىلى بوتەن مۇلىكتى الۋ ماقساتىندا ءوزىنىڭ تانىسى ب. ەرجانوۆا ارقىلى تانىسقان ە. اديلبايەۆاعا يپوتەكامەن پاتەر الىپ بەرە الاتىندىعىن ايتىپ، سەندىرگەن. مول اقشاعا كەنەلەمىن دەگەن ول ءوز ءىسىن مۇقيات ويلاستىرىپ، اقشانى الماق بولىپ جابىرلەنۋشىنىڭ جۇمىس ورنىنا بارادى. سول جەردە ەكەۋى وتىرىپ اقشانى ساناپ، جابىرلەنۋشى ە. اديلبايەۆا ج. ساكيروۆانىڭ قولىنا 5000 ا ق ش دوللارىن ۇستاتادى.
ادامداردىڭ سەنىمىنە كىرۋگە ابدەن ماشىقتانعان ايلاكەر ايەل ءتيىستى اقشاسىن العاننان كەيىن، مەكەن-جايىن اۋىستىرىپ، ءىس-ءتۇسسىز كەتەدى. الايدا، جەڭىل تابىس تاۋىپ، سايراڭداپ جۇرگەن ج. ساكيروۆانى قولعا ءتۇسىرۋ قيىن بولمادى»، دەلىنگەن حابارلامادا.
قاراپايىم ادامداردىڭ تابىسىن ولجالاعان قىلمىسكەر سوتتا بارلىق كىناسىن موينىنا الدى.
سوت ۇكىمىمەن ج. ساكيروۆا قازاقستان رەسپۋبليكاسىنىڭ قىلمىستىق كودەكسىنىڭ 190-بابىنىڭ 1-بولىگىمەن ايىپتى دەپ تانىلىپ، وزىنە تيەسىلى مۇلكى تاركىلەنىپ، 5 جىل مەرزىمگە باس بوستاندىعىنان ايىرۋ جازاسى تاعايىندالدى.
ماقالا كەيىپكەرلەرىنىڭ اتى-ءجونى وزگەرتىلىپ الىندى.
