ماسكەۋدە نۇرسۇلتان نازاربايەۆ تۋرالى كىتاپ جارىققا شىقتى - فوتو
ق ر س ءى م- ءنىڭ قولداۋىمەن جارىققا شىققان جيناقتىڭ تانىستىرىلىمىنا ت م د جانە ءبىرقاتار ەۋروپا ديپلوماتيالىق ميسسياسىنىڭ وكىلدەرى قاتىستى.
رەسەيدەگى قازاقستان ەلشىلىگىنىڭ باستاماسىمەن جارىققا شىققان 400 بەتتەن تۇراتىن جاڭا جيناقتىڭ تۇساۋ كەسەرىندە وسى ەلدەگى قازاقستاننىڭ توتەنشە جانە وكىلەتتى ەلشىسى مارات تاجين رەسەيدىڭ مادەني، عىلىمي ەليتاسى ن. نازاربايەۆپەن كەزدەسكەندەگى ءوز پىكىرلەرىن جيناققا جازىپ بەرۋگە كەلىسىپ قانا قويماي، ن. ءا. نازاربايەۆتىڭ ساياسي كوشباسشى رەتىندەگى فەنومەنى تۋرالى وي تولعامدارىمەن بولىسۋگە دايىن بولعاندىعى ايرىقشا اسەر ەتكەنىن جەتكىزدى.
وسى ورايدا م. تاجين ن. ءا. نازاربايەۆ كوشباسشىلىعىنىڭ فاكتورى ستاندارتتى ساياسي مودەلدەر قالىبىنا سىيمايتىن بىرەگەي تاريحي فەنومەندىگىندە ەكەنىن ايتتى. بۇل جەردە جەكە قاسيەتى، ليدەرلىك ءستيلى، وزگەرگەن تاريحي جاعدايدى دا ايتۋعا بولار.
جيناققا قاتىسقان پۋبليتسيستەردىڭ ىشىندە شىعارماشىلىق وداق، ءىرى باسىلىم جەتەكشىلەرى، جوعارى ناگرادا كاۆالەرلەرى مەن مارتەبەلى سىيلىقتاردىڭ لاۋرەاتتارى: ۆسيەۆولود بوگدانوۆ، ۆلاديمير گۋباريەۆ، رافاەل گۋسەينوۆ، ۆالەري سيمونوۆ، يۋري باتۋرين، كيريلل پريۆالوۆ، لەونيد ملەچين، نيكولاي دولگوپولوۆتى ايتۋعا بولادى.
ن. نازاربايەۆتىڭ 75 جىلدىق مەرەيتويىنا ارنالعان قۇتتىقتاۋلار جانە ەلباسىنىڭ وزىنە تىكەلەي ايتىلعان ارناۋلار كىتاپتا جەكە ءبولىم بولىپ باسىلعان. اۆتورلار اراسىندا رەسەي پارلامەنتىنىڭ سپيكەرى ۆالەنتينا ماتۆيەنكو جانە سەرگەي نارىشكين، ر ف قورعانىس ءمينيسترى سەرگەي شويگۋ، ەاەك القا ءتوراعاسى ۆيكتور حريستەنكو، ۇ ق ش ۇ باس حاتشىسى نيكولاي بورديۋجا، تاتارستان باسشىسى رۋستام ميننيحانوۆ، باشقۇرتستان باسشىسى رۋستەم حاميتوۆ، داعىستان باسشىسى رامازان ابدۋلاتيپوۆ بار.
سونداي-اق، مەرەيتويعا بايلانىستى ءوز قۇتتىقتاۋىن: عارىشكەر-ۇشقىش الەكسەي لەونوۆ، سۋرەتشى زۋراب سەرەتەلي، «لۋكويل» پرەزيدەنتى ۆاگيت الەكپەروۆ، «ارگۋمەنتى ي فاكتى» گازەتىنىڭ باس رەداكتورى نيكولاي زياتكوۆ، ر ف س ءى م ديپلوماتيالىق اكادەمياسىنىڭ رەكتورى ەۆگەني باجانوۆ، «روسنانو» كومپانياسىنىڭ باسشىسى اناتولي چۋبايس، رەسەي مۋفتيلەر كەڭەسىنىڭ ءتوراعاسى راۆيل گاينۋتدين، رەسەيدىڭ تانىمال ارتىستەرى: يۋري گريگوروۆيچ، الەكساندر كالياگين، ۆالەري گەرگيەۆ، يۋري باشمەت، ۆلاديمير سپيۆاكوۆ، سەرگەي شاكۋروۆ، كومپوزيتور يگور كرۋتوي، سپورتشى ەلەنا يسينبايەۆا جانە رينات داسايەۆ سىندى تۇلعالار دا جولداعان.
سونداي-اق، كىتاپتىڭ تۇساۋكەسەرىندە قازاقستان پرەزيدەنتىنىڭ ءوزىن مويىنداتقان الەمدەگى كوشباسشىلاردىڭ ءبىرى بولۋىنا ىقپال ەتكەن ونىڭ جان-جاقتى قايراتكەرلىگى مەن جەكە تۇلعاسىنىڭ اۋقىمدىلىعى ايتىلدى.
سالتاناتتى جيىننىڭ جارقىن ءساتى رەتىندە، كەشتى قورىتىندىلاعان شارا ر ف جۋرناليستەر وداعىنىڭ ەڭ جوعارى ناگراداسى «ەڭبەگى ءۇشىن» بەلگىسىنىڭ ن. نازاربايەۆقا بەرىلۋىن ايتۋعا بولادى.
