كەلتەحاتتى ويلاپ تاپقان ونەرتاپقىش قايتىس بولدى

استانا. قازاقپارات - فينليانديادا 63 جاسقا قاراعان شاعىندا قىسقا ماتىندەگى حابارلامالار (SMS) تەحنولوگياسىن ويلاپ تاپقان ينجەنەر ماتتي ماككونەن قايتىس بولدى دەپ حابارلايدى Tengrinews.kz سايتىنا سىلتەمە جاساعان Businessnews.kz.

ەڭ العاشقى SMS- حابارلاما 1992 -جىلى 3-جەلتوقسان كۇنى جىبەرىلگەنىمەن، ماتتي ماككونەن ونى ودان سەگىز اي بۇرىن ويلاپ تاپقان ەدى.

BBC قىزمەتىنىڭ اقپاراتىنا سەنسەك، ماتتي ماككونەن جۋرناليستەرگە سيرەك سۇحبات بەرگەن. ول 2012 -جىلى ب ا ق وكىلدەرىمەن SMS ارقىلى سۇحباتتاسىپتى.

دەگەنمەن، ماتتي ماككونەن ءوزىڭ «SMS- تىڭ اكەسى» ساناماعان. ونىڭ سوزىنشە SMS- ءتىڭ دۇنيەگە كەلۋى - بىرلەسكەن كۇش- جىگەردىڭ جەمىسى. ول ءوزىنىڭ جاڭالىعىن ەشقاشان پاتەنتتەمەپتى جانە ونەرتابىسى ءۇشىن ەش اقشالاي سىياقى الماعان.