قازاقستاندا شالعاي اۋىل تۇرعىندارىنا تەگىن مەديتسينالىق كومەك كورسەتىلەدى

استانا. قازاقپارات - 2015 -جىلعى 1 -شىلدە مەن 31 -تامىز ارالىعىندا رەسپۋبليكا بويىنشا ۇلتتىق سالاۋاتتى ءومىر سالتىن قالىپتاستىرۋ ورتالىعى ۇيىمداستىرعان «دەنساۋلىق جولى - 2015» كەڭ اۋقىمدى اكسياسى وتەدى، دەپ حابارلادى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.

اكسيا اياسىندا تەراپەۆت، فتيزياتر، باسقا دا مامانداردان قۇرالعان جەدەل توپ ەلدىڭ شالعاي اۋىلدارىن ارالايدى. اۋىل تۇرعىندارى تۋبەركۋلەز ۆ ي چ/ا ي ت ۆ سياقتى الەۋمەتتىك ماڭىزى بار اۋرۋلاردىڭ الدىن الۋ بويىنشا كونسۋلتاتسيا الىپ، تەگىن تەكسەرۋدەن وتە الادى.

شارا ماقساتى جۇرتشىلىق پەن مەملەكەتتىك ورگانداردىڭ نازارىن اۋىلدىقتاردىڭ دەنساۋلىعىن ساقتاۋ مەن نىعايتۋ، ولارعا سالاۋاتتى ءومىر سالتىن قالىپتاستىرۋ، الەۋمەتتىك ماڭىزى بار اۋرۋلاردىڭ الدىن الۋ، مىنەز- قۇلىق تاۋەكەل فاكتورلارىنىڭ تارالۋىن تومەندەتۋ ماسەلەلەرىندە اۋىل حالقىنا اقپاراتتىق، ءبىلىم بەرۋ، پراكتيكالىق كومەك كورسەتۋ پروبلەماسىنا نازارىن اۋدارۋ بولىپ تابىلادى.