02:49, 01 - شىلدە 2015 | GMT +6
تاجىكستاندا رەسەيلىك ءۇش ساربازدى تاۋ وزەنى اعىزىپ اكەتتى
استانا. قازاقپارات - رەسەيلىك بازانىڭ ءۇش اسكەري ساربازى تاجىكستاندا جوسپارلى جاتتىعۋ ۋاقىتىندا اعىنى قاتتى تاۋ وزەنىنە قۇلاپ كەتتى. ىزدەستىرۋ جۇرگىزىلۋدە.
بۇل تۋرالى جۋرناليستەرگە رەسەي قورعانىس مينيسترلىگىنىڭ باسپا ءسوز قىزمەتى ءمالىم ەتتى.
تاسس حابارلاعانداي، اڭگىمە 201 اسكەري بازادا كەلىسىمشارتپەن قىزمەتىن وتەپ جۇرگەن ساربازدار جايىندا. سۋ كەدەرگىلەرىن ەڭسەرۋ جاتتىعۋى بارىسىندا ولار اعىسى قاتتى تاۋ وزەنىنە قۇلاپ كەتتى.
وقيعانىڭ سەبەپتەرىن انىقتاۋ ءۇشىن ورىنعا ورتالىق اسكەري وكرۋگتەن كوميسسيا كەلدى.
