قازاقستاندىق ق ر قورعانىس مينيسترىمەن قىتاي حالىق رەسپۋبليكاسىنىڭ قورعانىس ءمينيسترىنىڭ ەكىجاقتى كەزدەسۋى ءوتتى - فوتو
وعان قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ قاتىستى.
ق ر قورعانىس ءمينيسترى يمانعالي تاسماعامبەتوۆ ش ى ۇ قاتىسۋشى ەلدەر اراسىنداعى ءوزارا ءىس- قيمىل دەڭگەيى قاناعاتتانارلىق دەپ اتاپ ءوتتى.
«ءبىز ونى نىعايتۋ مەن دامىتۋعا، ش ى ۇ ءمانىسىن ارتتىرۋعا نيەتتىمىز. وسىعان بايلانىستى، استانادا 2016 -جىلدىڭ مامىرىندا كەلەسى كەڭەستى وتكىزۋ تۋرالى قازاقستاندىق باستامانىڭ قولداۋىنا ۇمىتتەنەمىز»، - دەدى ول.
بۇل تۋرالى ق ر قورعانىس مينيسترلىگى باسپا ءسوز قىزمەتى حابارلادى.
قورعانىس مينيسترلەرى كەڭەسىنىڭ قورىتىندىسى بويىنشا دەلەگاتسيا باسشىلارىمەن ۇسىنىلعان قۇجاتتارعا قول قويىلدى جانە بەكىتىلدى.
بۇل كۇنى قازاقستاندىق دەلەگاتسيانىڭ ق ح ر قورعانىس ءمينيسترى گەنەرال-پولكوۆنيك چان ۆانتسيۋانمەن ەكىجاقتى كەزدەسۋى ءوتتى. قىتاي حالىق رەسپۋبليكاسىمەن ىنتىماقتاستىقتى نىعايتۋ جانە كەڭەيتۋ قازاقستاننىڭ باستى ستراتەگيالىق باسىمدىقتارىنىڭ ءبىرى بولىپ تابىلاتىنىن ايتا كەتكەن ءجون.
قازاقستان مەن قىتاي قارىم- قاتىناستارىنىڭ تاريحي تامىرى تەرەڭدە جاتىر. شاڭحاي ىنتىماقتاستىق ۇيىمى شەڭبەرىندەگى ىنتىماقتاستىق سۇبەلى فاكتور بولىپ تابىلادى. بۇل ۇيىم ازياداعى قاۋىپسىزدىكتىڭ جالپى جانە بولىنبەيتىن كەڭىستىگىن قۇرۋعا باعىتتالعان. بۇدان وزگە، جۇيەلى تۇردە «بەيبىت ميسسيا» اسكەري لاڭكەستىككە قارسى وقۋ-جاتتىعۋدى وتكىزۋدى قوسا ەسەپتەگەندە ءارتۇرلى ءىس-شارالار وتكىزىلەدى.
«2014 -جىلعى قىتاي تاراپىمەن ۇيىمداستىرىلعان وقۋ-جاتتىعۋ جوعارى دەڭگەيدى جانە اتالعان وقۋ- جاتتىعۋدىڭ ءساتتى وتكىزىلۋىن كورسەتتى. وندا ءبىزدىڭ بولىمشەلەر كۇردەلى جاعدايدا ءارتۇرلى تاپسىرمالاردى بىرلەسىپ ورىنداۋ ەلەمەنتتەرىن پىسىقتادى. سونىمەن قاتار اعىمداعى جىلدىڭ قىركۇيەك- قازان ايلارىندا ءبىزدىڭ مەملەكەتتەرىمىزدىڭ اۋماعىندا العاشقى ەكىجاقتى روتالىق- تاكتيكالىق لاڭكەستىككە قارسى وقۋ-جاتتىعۋدى وتكىزۋ قاۋىپسىزدىك قاتەرلەرىنە بىرلەسىپ دەن قويۋ كەزىندە بولىمشەلەرىمىزدىڭ ءوزارا ءىس- قيمىل جانە ماشىق دەڭگەيىن ارتتىرادى. ودان وزگە، وسى جىلدىڭ ماۋسىمىندا قازاقستاننىڭ اۋماعىندا وتكەن تانك بياتلونى بويىنشا الەم چەمپيوناتىنا تانكتى ەكيپاجداردىڭ بىرلەسكەن دايىندىعى دا ماڭىزدى بولىپ تابىلادى»، - دەدى ق ر قورعانىس ءمينيسترى يمانعالي تاسماعامبەتوۆ ءسوز سوڭىندا.
