باراك وباما: ءبىرجىنىستىلار نەكەسى - امەريكانىڭ جەڭىسى
ا ق ش پرەزيدەنتى باراك وباما جوعارعى سوتتىڭ بۇل شەشىمىن «امەريكانىڭ جەڭىسى» دەپ اتادى. ال، مەملەكەتتىك حاتشى دجون كەرري سوتتىڭ بۇل شەشىمىن قولداپ، بيلىكتىڭ ودان ءارى ءبىرجىنىستىلاردىڭ قۇقىقتارىن قورعايتىنىن العا تارتتى.
زاڭ قابىلدانا سالىسىمەن، ۆاشينگتونداعى اق ءۇي عيماراتى ءتۇرلى ءتۇستى شامدارمەن بەزەندىرىلگەن. وسىلايشا بيلىك وكىلدەرى ل گ ب ت-نىڭ (لەسبيلەر، گەيلەر، بيسەكسۋالدار جانە ترانسگەندەرلەردى) قولدايتىنىن اڭداتپاق بولعان.
ءبىرجىنىستىلار ءۇشىن بۇعان دەيىن ا ق ش- تىڭ تەك 36 شتاتىندا جانە كولۋمبيادا عانا نەكەلەرىن قيعىزۋ رۇقساتى بەرىلگەن بولاتىن. جوعارعى سوتتىڭ شەشىمى ەندىگى قالعان 14 شتاتتا دا ءبىرجىنىستى نەكەنى زاڭداستىردى. ەندىگى كەزەكتە امەريكالىقتار 26 -ماۋسىم كۇنىن ۇلتتىق مەيرام رەتىندە بەلگىلەۋدى ۇسىنىپ وتىر.
ەسكە سالساق، 2012 -جىلى پرەزيدەنت بولىپ سايلانعان باراك وباما مەين جانە مەريلەند شتاتتارىندا ءبىر جىنىستىلاردىڭ نەكەسىن، ال كولورادادا اناشانىڭ جەڭىل ءتۇرىن قولدانۋدى زاڭداستىرعان ەدى.
