سەربيادا تاق مۇراگەرىن ولتىرگەن ستۋدەنتكە ەسكەرتكىش ورناتىلدى

استانا. قازاقپارات - سەربيا استاناسى بەلگرادتا بوسنيالىق ستۋدەنت گاۆريلو پرينتسيپكە ەسكەرتكىش ورناتىلدى.

وسىدان 101 ءبىر جىل بۇرىن، 1914 -جىلدىڭ 28 -ماۋسىمىندا پرينتسيپ اۆسترو-ۆەنگريا تاعىنىڭ مۇراگەرى، ەرتس- گەرتسوگ فرانس فەرديناندتى اتىپ ولتىرگەن ەدى. بۇل -  1- دۇنيەجۇزىلىك سوعىستىڭ باستالۋىنا تۇرتكى بولعان وقيعا.

ول تۋعان جەرى بوسنيانى اۆستريا بيلىگىنەن بوساتۋدى ماقسات ەتكەن لاڭكەستىك ۇيىمعا مۇشە بولاتىن. ءولىم جازاسىنا كەسىلگەن پرينتسيپ 1918 -جىلى اباقتىدا قۇرت اۋرۋىنان قايتىس بولادى. ەندى بۇل ەسكەرتكىشتىڭ ورناتىلۋى ۇلكەن داۋ تۋعىزۋى ىقتيمال.

الەم جۇرتشىلىعىنىڭ كوپشىلىگى ونى 10 ميلليون ادامنىڭ ولىمىنە اكەلگەن جويقىن سوعىستىڭ باستالۋىنا سەبەپكەر بولعان لاڭكەس دەپ ساناسا، سەربتەردىڭ كوبى گاۆريلو پرينسيپتى ۇلت قاھارمانى رەتىندە قۇرمەت تۇتادى.

توميسلاۆ نيكوليچ، سەربيا پرەزيدەنتى:

- بۇگىن ءبىز شىندىقتى ايتۋعا قورىقپايمىز. گاۆريلو پرينتسيپ - سول كەزدە ەۋروپادا بولعان قۇلدىقتان ازات ەتۋ يدەياسىنا شىن جۇرەگىمەن بەرىلگەن قاھارمان. وزگەلەر نە ويلاعىسى كەلسە، ءوز ەركى.

www.24.kz