جامبىل وبلىسىندا اۋىل تۇرعىنىن كەنە شاعىپ، قايتىس بولدى

تاراز. قازاقپارات - جامبىل وبلىسىندا كونگو-قىرىمدىق گەمورراگيكالىق بەزگەك ۆيرۋسىن جۇقتىرعان جامبىل اۋدانى اسا اۋىلىنىڭ تۇرعىنى قايتىس بولدى، دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.

مەديتسينالىق ۆەدومستۆو دەرەكتەرىنە سۇيەنسەك، 44 جاستاعى مۇحتار ولجاتايەۆ 26 -ماۋسىمدا تاراز قالاسىنداعى وبلىستىق بالالار ينفەكتسيالىق اۋرۋحاناسىنا جاتقىزىلدى.

«سىرقات تانۋ قاعازىندا ناۋقاس 20 -ماۋسىمدا اۋىرىپ قالعانى جازىلعان. «ناۋقاستىڭ دەنەسى قالتىراپ، تەمپەراتۋراسى كوتەرىلگەن، تاماعى اۋىرىپ، السىرەگەن، مازاسى قاشىپ، قايتا-قايتا قۇسىپ، لوقسىعان، دەپ ءتۇسىندىردى وبلىستىق دەنساۋلىق باسقارماسىنان. - اۋرۋحاناعا جاتقىزىلىپ ەم قابىلداعان، ءبىراق وعان قاراماستان جاعدايى ناشارلاي تۇسكەن».

26 -ماۋسىمدا ينفەكتسيونيست دارىگەر قاراپ، اۋىر جاعدايدا (ۋلانىپ، گەمورراگيكالىق بەلگىلەر پايدا بولعاندىقتان) ينفەكتسيالىق اۋرۋحاناعا جەتكىزگەن.

دارىگەرلەر ناۋقاستىڭ اسا اۋىلىندا كوپ پاتەرلى ۇيدە تۇرعانىن اتاپ وتەدى. ول ءشوپ شابۋعا بارعان، ءبىراق ءوزى كەنە شاققان جوق دەگەن. الايدا قان تالداۋلارى كونگو-قىرىمدىق گەمورراگيكالىق بەزگەك بەلگىلەرىن كورسەتتى. ك ق گ ب دياگنوزىن قويىپ، ەمدەۋ باستالدى.

ول 38 اداممەن بايلانىستا بولعان. ولاردىڭ بارلىعى باقىلاۋعا الىندى، 8 ى جامبىل و ا ا-دا ەم الۋدا. جاعدايلارى جاقسى.

28-29 -ماۋسىمدا ناۋقاس م. ولجاتايەۆتىڭ دەنساۋلىعى كۇرت ناشارلاعان. كورسەتكەن شۇعىل شاراعا قاراماستان، 29 -ماۋسىمدا ناۋقاس كوز جۇمدى.