15:53, 30 - ماۋسىم 2015 | GMT +6
قازاقستاننىڭ باتىس سولتۇستىگىندە ازيالىق شەگىرتكە كوبەيە باستادى
قوستاناي. قازاقپارات - قوستاناي وبلىسىنىڭ وڭتۇستىگىندە ازيالىق شەگىرتكەلەر كوبەيە باستادى، دەپ حابارلادى ق ر اۋىل شارۋاشىلىعى مينيسترلىگى اگروونەركاسىپ كەشەنى وبلىستىق اۋماقتىق ينسپەكتسياسىنىڭ باستىعى بولات مەيىرمانوۆ.
ونىڭ ايتۋىنشا، امانگەلدى، جانگەلدى، ناۋرىزىم اۋداندارىندا شەگىرتكە كوبەيىپ كەتكەن. دەنيسوۆ جانە قاراسۋ اۋداندارىندا دا شەگىرتكەنى بايقاعاندار بار. قامىستى جانە قاراسۋ اۋداندارىندا يتالياندىق تۇقىمداس شەگىرتكەلەر پايدا بولۋدا.
جەرگىلىكتى ماماندار كورشى رەسەي وبلىستارىندا شەگىرتكەمەن كۇرەس ءتيىستى دارەجەدە جۇرگىزىلمەي جاتقانىنا الاڭداۋلى. «جۋىردا رەسەي ماماندارىمەن بىرگە شەكارالاس اۋماقتى تەكسەردىك، - دەدى ب. ميرمانوۆ. - ولارعا ءتيىستى قۇرالدار جەتىسپەۋدە: توزاڭداندىراتىن ءبىر عانا ۇشاق جۇمىس ىستەپ جاتىر، ۋلى حيميكات ساتىپ الۋعا قاراجات بيۋدجەتتەن بولىنبەگەن».
قوستاناي وبلىسىندا زيانكەستەرمەن كۇرەس ماقساتىندا 60 مىڭ گەكتار جەر وڭدەۋدەن ءوتتى.
