شىمكەنتتىك كاسىپكەر ادامداردى «كەپىلگە الىپ»، ۇشاق تالاپ ەتتى
ەر ادامدى ۇستاۋعا ارنالعان ارنايى وپەراتسيا ءبىر جارىم ساعاتقا سوزىلدى. وپەراتسيا و ق و ءى ءى د باسشىسى اسقار وسپانوۆتىڭ جەكە باسشىلىعىمەن جۇرگىزىلدى. تۇنگى ساعات 11:30 شاماسىندا ق ر ۇ ق ك د وڭتۇستىك قازاقستان وبلىستىق كەزەكشى بولىمىنە بەلگىسىز ەر ادام حابارلاسقان.
ول شىمكەنتتە بەس قاباتتى ۇيلەردىڭ بىرىندە بىرنەشە ادامدى كەپىلدىكتە ۇستاپ وتىرعانىن، جارىلعىش زات قويعانىن، سونىمەن قاتار ق ر ۇ ق ك د قىزمەتكەرلەرىنىڭ بىرىمەن سويلەسكىسى كەلەتىنىن ايتتى. وقيعا ورنىنا قۇقىق قورعاۋ ورگاندارى، ت ج د قىزمەتكەرلەرى مەن «ارلان» ارنايى جاساعى بارعان.
ءۇي مەن ونىڭ اۋماعىنداعى 200 مەتر بولاتىن جەر قورشاۋعا الىندى، كولىك قوزعالىسىنا شەكتەۋ قويىلدى. اتالعان ءۇيدىڭ 347 تۇرعىنى جانە «وربيتا»، «تاران» ءدامحانالارى مەن ەكى شاعىن ماركەتتىڭ قىزمەتكەرلەرى وقشاۋلاندى. سونىمەن قاتار، وپەراتسيا اياقتالعانعا دەيىن بارلىق كومۋنيكاتسيا (گاز، سۋ، ەلەكتر ەنەرگياسى) ىستەن شىعارىلدى. تەلەفون سوعىلعان نومەر ارقىلى «تەلەفون لاڭكەسىنىڭ» اتى- جونى انىقتالدى. ول 1963- جىلى تۋىلعان جەرگىلىكتى كاسىپكەر بولىپ شىقتى.
ەر ادام 100 مىڭ ا ق ش دوللارىن قولما-قول، 200 ميلليون تەڭگەنى شوتىنا اۋدارۋدى تالاپ ەتكەن. سونىمەن قاتار، ول ي ل-62 م ۇشاعى مەن تۇرمەدەن كىناسىز ءۇش ادامدى بوساتۋدى سۇرادى. كەلىسسوز كەزىندە قۇقىق قورعاۋ ورگاندارى قىزمەتكەرلەرى ەر ادامنىڭ جارىلعىش زات قويىلدى دەگەن عيماراتقا قاراما-قارسى جەردە وتىرعانى بەلگىلى بولدى. قىزمەتكەرلەر ەر ادامدى دالاعا الداپ شىعارىپ، سول جەردە ۇستادى.
قازىر ەر ادام ۋاقىتشا ۇستاۋ يزولياتورىندا وتىر. ق ر ق ك 273-بابى «لاڭكەستىك ارەكەت تۋرالى جالعان حابارلاما بەرۋ» بويىنشا سوتالدى تەرگەۋ امالدارى جۇرگىزىلىپ جاتىر.
