اۋىر سىرقاتىنان ايىققان الماتىلىق بويجەتكەن ءوز شەبەرحاناسىن اشتى - فوتو
بار قيىندىقتاردى جەڭىپ، وزگەلەرگە ۇلگى بولعان باتىر قىزدىڭ شەبەرحاناسىندا بولىعان ەدىك.
الماتى تۇرعىنى جەڭىسگۇل العاشىندا سۇيەك-سۇيەگىن سىرقىراتقان دەرتىن ۇمىتۋ ءۇشىن ماتا قيقىمدارىنان قۇراق ءپىشىپ، ويۋلاردى كەسۋدى ەرمەك ەتىپتى. كەيىننەن الىس-جاقىن تۋىستارىنىڭ تاپسىرىسى بويىنشا قۇراق كورپەلەر تىگە باستاعان.
مىنە وسىدان باستاپ قىز جاساۋىنا قاجەتتىنىڭ بارلىعىن ءوز قولىمەن جاساۋدى ۇيرەنىپ العان. سوڭعى كەزدەرى وعان تاپسىرىستار كوبەيىپ، جەڭىسگۇل ءوزىنىڭ شەبەرحاناسىن اشتى. وندا قازىرگە بەس كەلىنشەككە جۇمىس بەرىپ وتىر. مۇندا قويىلعان بارلىق دۇنيە جەڭىسگۇلدىڭ قولىنان شىققان.
«مەن حالقىمىزدىڭ قازاقى بۇيىمعا دەگەن قىزىعۋشىلىعى ارتىپ كەلە جاتقانىنا قۋانامىن. ءبىراق وسى قۇپيامىزدى ءبىلىپ ساۋداسىن جۇرگىزىپ جاتقان قىتاي مەن قىرعىزدان كەلەتىن بۇيىمدارعا كوڭىلىم تولمايدى. بىزدەگى ءار ويۋدىڭ، ورنەكتىڭ وزىندىك ءمان-ماعىناسى بار. سولاردى كيىمگە نەمەسە بۇيىمعا قويعان كەزدە نەگىزگى زاڭدىلىقتاردى ساقتامايدى. سوندىقتان مەن بۇل ءىستى وسى سالانى زەرتتەي وتىرىپ، قولىما الدىم. قازىر 8-11- سىنىپ ارالىعىنداعى قىزدارعا، ارينە قىزىعۋشىلىعى بارلارعا ۇيرەتىپ، وقىتىپ جاتىرمىن» - دەيدى شەبەرحانا يەسى.
دارىگەرلەردىڭ دياگنوزى بويىنشا 1- توپتىڭ مۇگەدەگى اتانعان جەڭىسگۇلدىڭ وسىنشاما ءىستى ءبىر ءوزى اتقارعانىنا سىرتتاي قاراپ تاڭ قالۋعا بولادى. ەكى قولعا ءبىر كۇرەك تاپپاي جۇرگەن ازاماتتارعا ۇلگى دەسەك تە بولادى. باتىر قىز الداعى ۋاقىتتا تىگىنشىلىكپەن قوسا زەرگەرلىك بۇيىمداردى جاساۋدى دا قولعا الماق.
Nur.kz
