قالانى استانا كۇنىنە دايىنداۋ قىزا ءتۇستى - فوتو
اۋدانداردا جارىق ديناميكالىق پاننولار مەن ءتۇرلى- ءتۇستى جارىقتاندىرۋ ورناتىلىپ، شاعىن ارحيتەكتۋرالىق پىشىندەر ساياباقتار مەن شاعىن باقتاردىڭ كوركىن كەلتىرمەك، دەپ حابارلادى astana.gov.kz.
«ەسىل» اۋدانىندا «اراي» ساياباعىن، عاشىقتار ساياباعىن، «استانالىق سيرك» شاعىن باعىن، «استانا وپەرا» مەملەكەتتىك وپەرا جانە بالەت تەاترى الدىنداعى باقتاردى بەزەندىرۋ جۇمىستارى اياقتالدى. «حان شاتىر» س و و- عا قاراما- قارسى جەراستى جولىندا جارىقتار قويىلىپ، «استانا وپەرا» تەاترىنىڭ الدىنداعى كوپىر مەن ورىنبور كوشەسىنىڭ بويى جانە «قازمۇنايگاز» جاياۋ جۇرگىنشىلەر كوپىرى اسەمدەلدى. «I Love Astana» كومپوزيتسيالارى ەسىل وزەنىنىڭ جاعالاۋىندا، استانالىق ساياباقتا جانە استانا حالىقارالىق اۋەجايى اۋماعىندا ورناتىلدى.
«جان جۇرەگىم استانا» شاعىن ارحيتەكتۋرالىق فورمالارى «استانا وپەرا» تەاترىنىڭ الدىندا، تۇران داڭعىلى مەن سىعاناق كوشەسىنىڭ قيىلىسىندا جانە «كەرۋەن» ساۋدا، ويىن- ساۋىق ورتالىعىنىڭ قاسىندا ورناتىلدى. «يا ليۋبليۋ اس تانۋ» كومپوزيتسيالارى سىعاناق كوشەسى مەن بەيسەكوۆا كوشەسىنىڭ قيىلىسىنا قويىلدى.
سونداي- اق، استانا كۇنىنە دايىندىق شەڭبەرىندە اۋدانداردا سانيتارلىق تازارتۋ، بۇلىنگەن اباتتاندىرۋ ەلەمەنتتەرىن قالپىنا كەلتىرۋ، ساياباقتار مەن كوشەلەردەگى جانە ساندىك جارىقتاندىرۋلاردى تەكسەرۋ جۇمىستارى قولعا الىندى.
«الماتى» اۋدانىندا 20 دان استام جارىق- ديناميكالىق پاننو ورناتىلىپ، ش. قۇدايبەردى ۇلى داڭعىلى، ابىلاي حان داڭعىلى، تاۋەلسىزدىك داڭعىلىنداعى كوپىرلەر مەن قاراوتكەل كوپىرى، بارايەۆ كوشەسىندەگى كوپىر بەزەندىرىلدى. 375 پانەلكرونشتەين قويىلدى.
«سارى ارقا» اۋدانىندا رەديسسون قوناق ۇيىنەن سامال شاعىن اۋدانىنا دەيىن ەسىل جاعالاۋىنا باننەرلەر ءىلىندى. كونگرەسس- حوللدىڭ الدىنا «ودۋۆانچيك» مەرەكەلىك كومپوزيتسياسى، «جاستار» سارايىنىڭ الدىندا «بەسەدكا» ينستاللياتسياسى ورناتىلدى. تەمىرجول ۆوكزالىنىڭ الدىندا، ەسەنبەرلين مەن بەيبىتشىلىك كوشەلەرى قيىلىسىندا جانە دوڭگەلەك الاڭدا «يا ليۋبليۋ اس تانۋ» شاعىن ارحيتەكتۋرالىق پىشىندەرى بار.
ەسكە سالا كەتەيىك، بيىل استانا كۇنىنە وراي 70 تەن استام مەرەكەلىك شارا، سونىڭ ىشىندە باسىم بولىگى اشىق الاڭداردا وتكىزىلەدى.
