استانادا وتباسىلىق سپورتتىق فەستيۆال وتەدى
وتباسىلىق فەستيۆال 4, 5 جانە 6- شىلدە كۇندەرى وتەدى، وعان قازاقستاندىق سپورت جۇلدىزدارى، بالالار سپورت مەكتەپتەرىنىڭ وقۋشىلارى، سونىمەن قاتار، قالا تۇرعىندارى مەن قوناقتارى ءوز وتباسىلارىمەن قاتىسادى.
فەستيۆال فۋتبول مەن سپورتتىق ۆيكتورينالارمەن باستالادى. شارا اياسىندا «اكە، انا، مەن - سپورتتىق وتباسى!» جارىسى وتكىزىلىپ، اتا-انالار مەن بالالار ءوزارا باسەكەگە تۇسەدى. فەستيۆال كەزىندە سپورتتىق كلۋبتار مەن فۋتبول مەكتەبىنىڭ تانىستىرىلىمى جانە شەبەرلىك ساعاتتارى، بالالارعا ارنالعان ونەر سايىستارى، ۆيكتورينالار، بالالار شىعارماشىلىعى سايىستارى ۇيىمداستىرىلادى.
مەرەكە كۇندەرى ساياباق بىرنەشە اۋماققا بولىنەدى: بيدەن شەبەرلىك ساعاتتارى وتكىزىلەتىن اۋماق؛ كۇش رەكوردتارىن ورناتۋ اۋماعى؛ باس ساحنا؛ شەبەرلەر اۋىلى؛ استانا قالاسىنىڭ فۋتبول فەدەراتسياسى جانىنداعى بالالار فۋتبول ورتالىعى؛ كوشە سۋبمادەنيەتتەرى اۋماعى؛ اسىق جانە توعىزقۇمالاق وينايتىن اۋماق؛ كلاسسيك ويىنى جانە سەكىرىپ ويناۋ الاڭى؛ سونداي-اق ب ا ق- قا ارنالعان اۋماق.
شارا كەزىندە ساياباق اۋماعىندا بالالارعا ارنالعان باتۋت، اكۆاريۋم، انيماتورلار جانە سيقىرشىلار جۇمىس ىستەيتىن بولادى.
