اقتوبەدە ءتارتىبى قيىن وقۋشىلارعا ارنالعان شاتىرلى لاگەرلەر قۇرىلدى
بارلىعى 50 مىڭعا جۋىق بالا قامتىلاتىن بولسا، ولاردىڭ 20 مىڭنان استامى مەملەكەت ەسەبىنەن دەمالادى. ياعني تۇرمىسى تومەن، كوپبالالى وتباسىنىڭ بالعىندارى مەن جەتىم بۇلدىرشىندەرگە جولداما تەگىن.
قالاداعى ورتا مەكتەپتەردىڭ جانىنان اشىلعان ماۋسىمدىق لاگەرلەر قازىر قىزۋ جۇمىس ىستەپ تۇر. 2000 عا جۋىق بالدىرعان وسى دەمالىس ءتۇرىن تاڭداپتى. سپورتتىق-اۋلا كلۋبتارىنا جاز بويى 12 مىڭ وقۋشى بارادى دەپ جوسپارلانعان.
قۇرالاي قورازوۆا، قالالىق عىلىمي- ادىستەمەلىك ورتالىقتىڭ ادىسكەرى:
- بيىل اقتوبە قالاسى بويىنشا %93 وقۋشى جازعى دەمالىسپەن قامتىلىپ وتىر. سونىڭ ىشىندە، ەرىكتىلەر مەن تالىمگەرلەردەن قۇرالعان اۋلا كلۋبتارى ۇيىمداستىرىلدى. وندا وقۋشىلار ۋاقىتتارىن ءتيىمدى پايدالانۋ ماقساتىندا بارلىق شارالار جۇرگىزىلەدى. سونىڭ ىشىندە سپورتتىق، مادەني شارالار قامتىلادى. بيىل ءتارتىبى قيىن وقۋشىلارعا ارنالعان شاتىرلى لاگەرلەر قۇرىلدى.
www.24.kz
