ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ د ا ي ش- ءتىڭ «يسلام مەملەكەتى» دەپ اتالۋىنا قارسى
بۇل تۋرالى بۇگىن استاناداعى ورتالىق جانە وڭتۇستىك ازيا ەلدەرىندەگى زورلىق- زومبىلىق ەكسترەميزمگە قارسى ءىس- قيمىل جونىندەگى وڭىرلىك كونفەرەنسيادا ءمالىم ەتتى.
«د ا ي ش - ول ءوزىن «يسلام مەملەكەتى» دەپ اتاپ جۇرگەن لاڭكەستىك ۇيىم. شىن مانىندە ولار ءتۇرلى ەلدەردىڭ ونداعان مىڭ وكىلدەرىن قامتي وتىرىپ، ءدىني ەكسترەميستىك ينتەرناتسيونالعا اينالىپ وتىر. اتاپ ايتقاندا، ساياساتكەرلەر مەن جۋرناليستەر د ا ي ش- كە قاتىستى «يسلام مەملەكەتى» ۇعىمىن كەڭىنەن پايدالانۋدى دۇرىس ەمەس دەپ سانايمىز»، - دەدى ۇ ق ك ءتوراعاسى.
وسى ورايدا ول «مەملەكەت» دەگەن تەرميندى پايدالانۋ قاتە ەكەنىن قاداپ ايتتى.
«ءبىز وزىمىزدەگى ارنايى قىزمەتتە د ا ي ش اببريەۆياتۋراسىن پايدالانامىز. ولار وزدەرىن قالاي اتاعانىمەن، «مەملەكەت» دەگەن تەرميننىڭ ورنىنا، اتالعان اببريەۆياتۋرانى قولدانعان دۇرىس بولار ەدى. بۇگىندە د ا ي ش حاليفاتتى قۇرۋدى بەلسەندى العا جىلجىتۋدا. بۇلار سولتۇستىك افريكادان قىتايعا دەيىنگى كەڭىستىكتى قامتۋدى كوزدەپ وتىرعان سىڭايلى. ۇيىمنىڭ جاقتاستارى اۋعانستاندا پايدا بولۋدا. بۇل ءوز كەزەگىندە ءبىزدى الاڭداتپاي قويمايدى»، - دەدى ن. ابىقايەۆ.
اۆتور: رۋسلان عابباسوۆ
