09:16, 29 - ماۋسىم 2015 | GMT +6
جاپونيادا ۆوكزال باستىعى قىزمەتىن اتقارعان مىسىقتى جەرلەدى
استانا. قازاقپارات - جاپونيادا تەمىرجول ستانساسىنىڭ باستىعىنا تاعايىندالعاننان كەيىن ۇلتقا تانىمال بولعان ۆوكزال باستىعى قىزمەتىندەگى مىسىقتى سالتاناتتى تۇردە جەرلەدى.
تاما دەگەن اتقا يە بولعان مىسىق وسىدان سەگىز جىل بۇرىن كيسي ستانساسىنا باستىق بولىپ تاعايىندالعان ەدى.
شينەل مەن فۋراجكا كيگەن ول بار ۋاقىتىن باستىقتىڭ بۋدكاسىندا وتكىزدى.
سەگىز جىل بۇرىن جەرگىلىكتى تەمىر جول بانكروتقا ۇشىراپ، كيسي ستانساسىندا ءبىر دە ءبىر قىزمەتكەر قالماعان ەدى.
تەك تاما مىسىق ستانسا باستىعى بولعاننان كەيىن مۇندا كەلەتىن جولاۋشىلار سانى كۇرت ارتقان.
مىسىقتى جەرلەۋگە كەلگەن كومپانيالار مەن جەرگىلىكتى بيلىك وكىلدەرى وعان قالاعا تۋريستەردى تارتقانى ءۇشىن العىستارىن ءبىلدىردى.
ستانسا باستىعى قىزمەتىنە جاڭا مىسىق تاعايىندالدى، دەپ حابارلايدى BBC.
