گەرمانيادا ءىرى التىن قازىنا تابىلدى

استانا. قازاقپارات - باۆاريانىڭ پاسساۋ قالاسىندا جەكە ۋچاسكەدە (جەكەلىك جەر تەلىمىندە) قابىرعانى بۇزۋدا جۇمىسشىلار ميلليون ەۋروعا جۋىق سوماعا باعالاناتىن ءىرى التىن قازىنا تاپتى.

 بۇل تۋرالى ۋترو. رۋ نەمىستىڭ Passauer Neue Presse گازەتىنە سىلتەمە جاساپ حابارلادى.

«شەيتساريا بانكى» دەگەن جازۋى بار التىن قۇيمالاردىڭ العاشقى بولىگى 24 - ماۋسىمدا تابىلعان بولاتىن، تاعى ءبىر بولىگى جۇمىستاردى جالعاستىرۋ ۇستىندە 26 - ماۋسىمدا كەزىككەن. قازىنانىڭ تاعى ءبىر بولىگى جەر استىندا جاتۋى مۇمكىن.

 ەندى تابىلعان التىننىڭ يەسى كىم ەكەنىن انىقتاۋ كەرەك. قالالىق وكىمەت ورىندارى وكىلىنىڭ ايتۋىنشا، قۇقىقتىق جاعىنان الىپ قاراعاندا، تابىلعان زات قالالىق ولجالار بيۋروسىنا بەرىلۋى ءتيىس. دەگەنمەن، پوليتسيا مالىمەتتەرىنە قاراعاندا، قازىرگى كەزدە التىن ۋچاسكە يەسىنىڭ سەيفىندە ساقتاۋلى تۇر.