كۇن باتەرەياسىنان قۋات الاتىن ۇشاق تىنىق مۇحيتتىڭ ۇستىنەن ۇشىپ وتپەككە تاعى ارەكەت جاسادى

 استانا. قازاقپارات - عالامشاردى اينالىپ ۇشۋعا بەل بۋعان، كۇن باتەرەياسىنان قۋات الاتىن «سولار يمپۋلس-2» (Solar Impulse 2) ۇشاعى تىنىق مۇحيتتى كەسىپ ءوتۋ ءۇشىن جاپونيادان ۇشىپ شىقتى.

 بۇدان بۇرىن اۋا رايىنىڭ قولايسىزدىعىنا بايلانىستى ۇشۋ توقتاتىلعان ەدى.

 ورتالىق جاپونيادان گاۆاي ارالدارىنا دەيىن ءۇش كۇندىك ۇشۋ - جەر ءجۇزىن اينالىپ وتۋدەگى اسا سيرەك وقيعانىڭ ءبىرى.

اعىمداعى جىلدىڭ ناۋرىزىندا ءابۋ- دابيدەن باستالعان ساپاردى جالعاستىرۋ جونىندە شەشىم قابىلداناردان بۇرىن «سولار يمپۋلس-2» كومانداسى اۋا رايىنىڭ جاقسارۋىن ءۇش اپتادان استام ۋاقىت كۇتتى.

ۇشاق قاناتىنىڭ ۇزىندىعى 72 مەتر، سالماعى 2. 3 توننا. ۇشۋدا تەك كۇن باتەرەياسى پايدالانىلادى. ونىڭ قاناتتارى 17 مىڭ كۇن ساۋلەسىنىڭ ەلەمەنتتەرىمەن قاپتالعان.