قازاقستان مەن قىتايدىڭ قۋاتتىلىعى ستراتەگيالىق جوسپارلاۋدىڭ باسىمدىعىندا - س. اكىمبەكوۆ

 بەيجىڭ. قازاقپارات - قازاقستان مەن قىتايدىڭ دامۋ باعدارلاماسىنىڭ ورتاق بەلگىلەرى كوپ، ستراتەگيالىق جوسپارلاۋدىڭ باسىمدىعى ەكى ەلدىڭ دە قۋاتتىلىعى بولىپ تابىلادى.

بۇل تۋرالى «قازاقستاننىڭ بۇگىنى مەن ەرتەڭى» اتتى دوڭگەلەك ۇستەل بارىسىندا ق ر تۇڭعىش پرەزيدەنتى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى سۇلتان اكىمبەكوۆ ايتتى.

ايتا كەتەيىك، دوڭگەلەك ۇستەلدى قىتايداعى ق ر ەلشىلىگى قىتايدىڭ شەتەلدەگى دوستىق حالىقتىق قوعامىنىڭ جانە قىتاي مەن ورتالىق ازيانىڭ دوستىق قوعامىنىڭ ىقپالداسۋىمەن ۇيىمداستىردى. وعان ديپلوماتيالىق كورپۋس، عىلىمي ورتا، ب ا ق وكىلدەرى جانە ت. ب. قاتىستى.

 ونىڭ ايتۋىنشا، قازاقستاننىڭ باسىمدىعى جانە ايماقتىق جاعدايدىڭ دامۋى ەلدە سوڭعى 25 جىل ىشىندە جۇرگىزىلگەن رەفورمالار مەن جۇمىستاردىڭ ارقاسىندا مۇمكىن بولدى، تاريحتا العاش رەت ايماقتىڭ ەكونوميكالىق جانە قارجىلىق ورتالىعى ورتا ازيادان قازاقستانعا كوشتى.

 «بۇل شىنىمەن دە سولاي، سەبەبى ج ءى ءو كولەمى جاعىنان بۇگىنگى تاڭدا ءبىز بۇكىل ورتالىق ازيا ەلدەرىن قوسقاندا بارىنەن اسىپ ءتۇسىپ وتىرمىز. بۇل تاۋەكەلگە بارۋعا ازىرلىك، سويتە تۇرا تۇراقتىلىقتى ساقتاۋ ناتيجەسى. ءبىزدىڭ 2013 - جىلعا دەيىن «باتىس قىتاي- باتىس ەۋروپا» بىرىككەن جوبامىز بولدى. سونداي- اق قازاقستان داعدارىس جاعدايلارىندا «نۇرلى جول» باعدارلاماسى اياسىندا كونترتسيكلدىك ساياساتتى، ناق ينفراقۇرىلىمدىق جوبالاردى قوسىمشا قارجىلاندىرۋدى قاراستىرىپ وتىر»، - دەپ اتاپ ءوتتى س. اكىمبەكوۆ.

 «قازاقستان مەن قىتايدىڭ قۋاتتىلىعى ولاردىڭ ۇنەمى ستراتەگيالىق جوسپارلاۋعا ءمان بەرەتىندىگى بولىپ وتىر»، - دەدى ول سونداي- اق.

مىسال رەتىندە س. اكىمبەكوۆ «قازاقستان-2050» ستراتەگياسى مەن «قىتاي-2025» جانە ت. ب. باعدارلامالاردى اتاپ ءوتتى.