الماتىدا تاعى دا اتىس: كونتراباندالىق جۇك تاسۋشىلار ۇستالدى

الماتى. قازاقپارات - الماتى پوليتسياسى «ايان» بەكەتىندە «فولكسۆاگەن ترانسپورتەر» كولىگىنىڭ سوڭىنان قارۋلى قۋعىن سالدى.

ءتارتىپ ساقشىلارى كولىكتەن كونتراباندالىق جۇك تاپتى. بۇل تۋرالى قالالىق ءى ءى د باسپا ءسوز قىزمەتى حابارلادى.

كولىك جۇرگىزۋشىنىڭ ارەكەتى كۇدىك تۋعىزعان سوڭ قۇقىق قورعاۋشىلار ونىڭ ارتىنان تۇسكەن. پوليتسيادان قاشقان جۇرگىزۋشى جولدىڭ قاراما-قارسى جولاعىنا شىعىپ، كوشەدەگى ادامداردىڭ ومىرىنە قاۋىپ تۋعىزعان. جول ساقشىلارى توتەنشە جاعدايدى بولدىرماس ءۇشىن كولىكتىڭ ارتقى دوڭگەلەگىن اتتى. جۇرگىزۋشى كولىكتى باسقارا الماي، گازەل اۋدارىلىپ ءتۇستى. ۇستالعان كولىكتىڭ جۇرگىزۋشىسى نە كولىككە، نە تاسىعان جۇگىنە قۇجات كورسەتە المادى.

جول كولىك وقيعاسى سالدارىنان كولىك جۇرگىزۋشىسىنىڭ باس ميى شايقالعان.

اۆتور: گۇلميرا عوسمانالي