قازاقستاندىق كاسىبي بوكسشى امەريكاندىق قارسىلاسىن نوكاۋتپەن جەڭدى

استانا. قازاقپارات - قازاقستاندىق كاسىبي بوكسشى باحتيار ەيۋبوۆ التىنشى جەكپە-جەگىن ۋاقىتىنان بۇرىن اياقتادى، دەپ حابارلايدى Vesti.kz.

28 جاستاعى بوكسشى 34 جاستاعى امەريكاندىق دجەيسون تومپسوندى ەكىنشى راۋندتىڭ 33 سەكۋندىندا (4-10-4) تەحنيكالىق نوكاۋتپەن جەڭدى. بۇل باحتياردىڭ ۋاقىتىنان بۇرىن اياقتالعان التىنشى كەزدەسۋى.

جەكپە-جەك 68 كەلى سالماق دارەجەسىندە ءوتتى. بۇعان دەيىن قازاقستاندىق ورتا سالماق (72,5 كەلىگە دەيىن)، ال امەريكاندىق جارتىلاي ورتا سالماق (66,7 كەلىگە دەيىن) دارەجەسىندە بولاتىن.

ەسكە سالا كەتسەك، بۇدان بۇرىن ەيۋبوۆ ءوز سالماعىن اۋىستىردى، ەندى ول ءبىرىنشى ورتا سالماقتا ( 69,9 كەلىگە دەيىن) شارشى الاڭعا شىعادى، دەپ مالىمدەلگەن ەدى.