08:40, 28 - ماۋسىم 2015 | GMT +5
گرەكتەر بانكوماتتاعى اقشانى تىپ-تيپىل ەتتى
استانا. قازاقپارات - گرەكيادا كەشە، 27- ماۋسىمدا بانكوماتتاردىڭ الدىنداعى كەزەك اسا كوپ بولدى.
ادامدار دوستارى مەن جاقىندارىنا قوڭىراۋ شالىپ، شوتتان قالايشا تەزدەتىپ اقشا الۋ كەرەكتىگىن ايتىپ، كەڭەس بەرۋدە.
АР اگەنتتىىگىنىڭ جازۋىنشا، ماۋسىمنىڭ ورتاسىنان باستاپ گرەكياداعى شوتتاردان 4 ميلليارد ەۋرودان كەم ەمەس اقشا الىنعان. ب ا ق- تار بولسا، كەزەكتە تۇرعان ادامدار مەن بوساپ قالعان بانكوماتتار جايلى جازۋدا.
دەگەنمەن ەلدىڭ قورعانىس ءمينيسترى پانوس كاممەنوس: «ادامدار ەش قورىقپاۋى ءتيىس»، دەپ مالىمدەدى. ول گرەكتەردى «بانكتەر جابىلمايدى، ال بانكوماتتاردا اقشا بولادى»، دەپ سەندىرۋگە تىرىستى.
