يتالياندىقتار قازاقستانداعى ەت ونىمدەرىن قايتا وڭدەۋ سالاسىنا ينۆەستيتسيا قۇيۋعا نيەتتى
بۇل تۋرالى بۇگىن ميلاندا وتكەن قازاقستان- يتاليا بيزنەس فورۋمىندا ەلباسى نۇرسۇلتان نازاربايەۆ ايتتى.
قر پرەزيدەنتى ءوز سوزىندە قولايلى ينۆەستيتسيالىق احۋال قالىپتاستىرۋ قازاق مەملەكەتىنىڭ باستى باسىمدىعى ەكەندىگىن اتاپ ءوتتى. وسى رەتتە ەلباسى بۇگىنگى فورۋم بارىسىندا قول قويىلاتىن قۇجاتتاردىڭ ءبىرى اگرارلىق سەكتورعا قاتىستى جوبا بولعانىن ايرىقشا اتاپ ءوتتى.
«يتالياندىق ەكسپو تاقىرىبى ازىق- تۇلىك بولعاندىقتان قازاقستاندا ءىرى يتالياندىق كومپانيامەن ەت ونىمدەرىن قايتا وڭدەۋ تۋرالى كەلىسىمشارتتىڭ قول قويىلۋى ورىندى. ءبىز مۇنى قولدايمىز. قازىرگى ۋاقىتتا ءبىز ءدال وسى باعىتتا جۇمىس ىستەۋدەمىز»، - دەدى مەملەكەت باسشىسى.
سونىمەن قاتار ق ر پرەزيدەنتى قازاقستاننىڭ الداعى ۋاقىتتا سىرتقى نارىققا جىلىنا الپىس مىڭ توننا ەت ونىمدەرىن ەكسپورتقا شىعارۋدى جوسپارلاپ وتىرعاندىعىن ەسكە سالدى.
