ەرلەرگە قانداي ايەلدەر ۇنايدى؟
ەركىندىكتى قالايتىنداردى ما، الدە كۇيەۋىنىڭ ايتقانىن ورىندايتىن قاراپايىم قىزدى ما؟
ءوز دەگەنىنەن قايتپايتىن، مانساپ قۋعانداردى ما، الدە وتباسى- وشاققاسىندا جۇرگەندەردى مە؟
باتىس ەلدەرىنىڭ ايەلدەرى، كوبىنەسە، ءوز ىسىندە بەلگىلى ءبىر دارەجەگە جەتكىسى كەلەدى، ال وتباسى ولار ءۇشىن ەكىنشى ورىندا. ەركىن ءجۇرىپ- تۇرعاندى قالايدى. ولار وزدەرىن ءۇي شارۋاسىنداعى ايەل رەتىندە ەلەستەتە دە الماۋى مۇمكىن.
ال، ءدىنىمىزدىڭ قۇندىلىقتارىن بويىنا ءسىڭىرىپ وسكەن مۇسىلمان قىزدارىمىز كەرىسىنشە، وتباسىن ءبىرىنشى ورىنعا قويادى. كۇيەۋىنە باعىنۋ، سىيلاۋ، ءۇيدىڭ بەرەكەسىن ساقتاۋ باستى مىندەتىم دەپ بىلەدى.
«قانداي ايەلدى جارىڭىز رەتىندە كورگىڭىز كەلەدى؟» دەگەن سۇراققا ەر- ازاماتتار تومەندەگىشە جاۋاپ بەرگەن:
- «ماعان جان- جاقتى ايەلدەر ۇنايدى. ولاردا باتىلدىق تا، باعىنا ءبىلۋ دە، كۇش پەن جۇمساقتىق تا، مۇز بەن وت تا بولعانىن قالايمىن».
- «وتباسىندا ەركەك ءوزىن ەركەك رەتىندە سەزىنۋدى ۇناتادى. بۇل باستىسى. سوندىقتان، ايەل قانشا اقىلدى، مىقتى بولىپ تۇرسا دا ەر ادامنىڭ جانىندا جۇمساق، نازىك بولعانى دۇرىس».
- «كۇيەۋىنىڭ ايتقانىن ەكى ەتپەيتىندەر - ناعىز ايەلدەر».
- «مەن مۇسىلمان قىزدارىن پاكتىگى مەن تازالىعى ءۇشىن جاقسى كورەمىن جانە سىيلايمىن. ولاردىڭ بىرەۋى دە كۇيەۋىنە قارسى كەلمەيدى».
وسى ايتىلعانداردى نەگىزگە الا وتىرىپ مۇسىلمان قىزدارىنىڭ ورتاق ءبىر سيپاتىن انىقتاساق. ول - اقىلدى، ءبىلىمدى، مادەنيەتتى. زامان تالابىنا ساي ءومىر سۇرە وتىرىپ، يسلام ءدىنىنىڭ قۇندىلىقتارىن جوعارى قوياتىن، ۇلتتىق سالت- داستۇرلەرىمىزدى بويىنا ءسىڭىرىپ وسكەن قاراپايىم، كۇيەۋىنە ادال جار، بالالارىنا جاقسى تاربيە بەرە الاتىن انا ءارى وتباسىنىڭ بەرەكەسىن ساقتاۋشى كەمەڭگەر ايەل.
mazhab.kz
