وڭتۇستىك كورەيادا تۇيە تۇماۋى ۇدەي ءتۇستى
سونىمەن قاتار، اگەنتتىكتىڭ دەرەكتەرىنە سۇينەسەك، ىندەتتەن قازا بولعاندار سانى-31. تاۋلىك ىشىندە توعىز ادام ساۋىعىپ، اۋرۋحانادان شىعارىلدى. بارلىعى 90 ادام (نەمەسە 49,5 پايىزى) ەمدەلدى.
كارانتيندە 2467 ادام بار، ينفەكسيا جۇقتىردى دەگەن كۇدىكپەن وقشاۋلانعان 12958 ادام كارانتيننەن شىعارىلدى، دەپ جازدى ر ي ا نوۆوستي.
تاياۋ شىعىستىق رەسپيراتورلىق سيندروم كوروناۆيرۋسىنىڭ باستاپقى كەزدە ەرەكشە بەلگىلەرى بولمايدى. ۆيرۋسقا ارنالعان ۆاكسينا جوق. اۋرۋعا يممۋنيتەتى السىرەگەن، سوزىلمالى وپكە، سۋسامىر، بۇيرەك جەتىمسىزدىگىمەن اۋىراتىن ادامدار بەيىم. الەمدە د د س ۇ- نىڭ 20 -ماۋسىمداعى دەرەكتەرى بويىنشا ىندەتتى 1334 ادام جۇقتىرسا، 471 ادام قايتىس بولعان. تاياۋ شىعىستا ىندەتتەن ءولىم-ءجىتىم 40 پايىزدى قۇراسا، وڭتۇستىك كورەيادا 17 پايىزدى قۇرادى.
ۆيرۋس اۋا-تامشى جولىمەن تۇماۋ سياقتى تارالادى. جۇقتىرعانداردىڭ دەنە قىزۋى كوتەرىلىپ، جوتەل پايدا بولادى، تىنىس الۋى اۋىرلايدى. الايدا بۇل بەلگىلەر وسى اۋرۋعا ءتان ەكەنى ازىرگە بەلگىسىز.
