بۇگىن «التىن قالام» بايقاۋىندا «قازاقپارات» ح ا ا ءتىلشىسى جەڭىمپاز اتاندى - فوتو
جۋرناليستەر قاۋىمىنىڭ ەلىمىزدىڭ، وبلىسىمىزدىڭ دامىپ، وركەندەۋىنە قوسىپ كەلە جاتقان ۇلەستەرى وراسان زور.
«سىزدەردىڭ تىنىمسىز ەڭبەكتەرىڭىزگە وسى تۇرعىدان باعا بەرگەندە، اردايىم ەل يگىلىگى جولىنداعى ەڭبەكتەرىڭىزگە ءتانتى بولامىز. ەلباسى جولداۋىندا العا قويىلعان مىندەتتەردىڭ جۇزەگە اسىرىلۋىن قامتاماسىز ەتۋ جولىندا ايانباي تەر توگىپ كەلە جاتقان بارشاڭىزعا ويلارىڭىز جۇيرىك، قالامدارىڭىز قارىمدى بولىپ، بيىك شىڭنان كورىنە بەرىڭىزدەر»، - دەدى جەڭىمپازداردى ماراپاتتاعان وبلىس اكىمى سەرگەي كۋلاگين.
سونداي-اق، سالتاناتتى شارا بارىسىندا، «التىن قالام» بايقاۋىنىڭ قورىتىندىسى شىعارىلدى. وعان 80 جۋىق وبلىستاعى رەسپۋبليكالىق جانە جەرگىلىكتى ب ا ق وكىلدەرى قاتىسىپ، ب ا ق سىناعان. بايقاۋ كەزىندە تەلەۆيزيا، باسپا ءسوز جانە ەلەكتروندى ب ا ق سالاسىنداعى ەڭ ۇزدىك دەگەن شىعارماشىلىق جۇمىستار تاڭدالىپ الىندى.
ولاردىڭ ىشىندە رەسپۋبليكالىق ەلەكتروندى جانە ب ا ق جۋرناليستەرى اراسىنداعى «ارقا ءتورى - اقمولا» نوميناتسياسى بويىنشا «قازاقپارات» حالىقارالىق اقپارات اگەنتتىگىنىڭ وڭىردەگى ءتىلشىسى اسلان وسپانوۆ جەڭىمپاز اتانىپ، وبلىس اكىمى تاعايىنداعان اقشالاي سىيلىققا يە بولدى. سونىمەن قاتار ءتىلشىمىزدىڭ وبلىس اكىمىنىڭ العىس حاتىمەن دە ماراپتتالعانىن ايتا كەتكەن ءجون.
شارا بارىسىندا باسقا دا وڭىردەگى فوتوتىلشىلەر مەن تاسپاگەرلەر دە نازاردان تىس قالمادى. بايقاۋ جەڭىمپازدارى وبلىس اكىمىنىڭ العىس حاتى جانە ديپلومدار مەن باعالى سىيلىقتارمەن ماراپاتتالدى.
