قازاقستان ازاماتشاسى تۋنيستەگى قىرعىننان قالاي امان قالعانىن ايتتى

استانا. قازاقپارات - قازاقستان رەسپۋبليكاسىنىڭ ازاماتشاسى ەلەنا كوەمەتس تۋنيستەگى تراگەديادان قالاي امان قالعانىن الەۋمەتتىك جەلىدەگى جەكە پاراقشاسىندا ايتىپ بەردى.

«مەنىڭ، بالەدەن قاعاتىن پەرىشتەم بار. ول مەنى بىرنەشە رەت قاۋىپتەن ساقتاپ قالدى. مىسالى، بىرنەشە جىل بۇرىن كوستا كانكورديو لاينەرىنىڭ سۋعا باتىپ كەتكەنىندە، سول كەمەگە وتىرماي امان قالدىم. جاقىندا، تبيليسيگە بارماق بولىپ ەدىم، جولىم تۇسپەدى. وندا سۇمدىق سۋ تاسقىنى بولدى. ەندى مىنە، تۋنيس! ءبىز سول قىرعىن بولعان وتەلگە بارماق ەدىك. مەن، ەستىگەندە ەسەڭگىرەپ قالدىم.  ۇلىمنىڭ شەت ەلگە شىعاتىن پاسپورتىن جوعالتىپ الىپ، قالىپ قويعان ەدىك بۇل ساپاردان»، دەپ جازادى ول فەيسبۋكتەگى جەكە پاراقشاسىندا.

ەسكە سالا كەتەيىك، 26 -ماۋسىم كۇنى تۋنيستەگى تانىمال سۋس شيپاجايىنا قارۋلى شابۋىل جاسالدى.

ب ا ق- تا «يمپەريال» قوناق ءۇيىنىڭ تۋريستەرى زارداپ شەككەنى حابارلاندى. 39 ادام لاڭكەستىك قۇربانى بولدى. تۋنيستەگى اتىستى «يسلام مەملەكەتى» تەررورلىق ۇيىمى جاساعانىن مالىمدەدى.