وسكەمەندە شەنەۋنىككە قاتىستى داۋلى سوت ءىسى اياقتالدى
شەنەۋنىك اۋىل شارۋاشىلىعىمەن اينالىساتىن كاسىپكەردەن پارا تالاپ ەتكەن، دەپ جازادى YK-news.kz.
ەسكە سالا كەتەيىك، 2014 -جىلدىڭ 11 -قاراشاسىندا تابيعي رەسۋرستاردى باسقارۋ جانە تابيعاتتى پايدالانۋ ءبولىمىنىڭ بۇرىنعى باسشىسىن كۇش قۇرىلىمدارىنىڭ قىزمەتكەرلەرى قولعا تۇسىرگەن بولاتىن. ول كاسىپكەردەن جالپى قۇنى 15 ميلليون تەڭگە بولاتىن 1000 شارشى مەتر اعاش تالاپ ەتكەن. سول ءۇشىن وعان «قامقورلىق» جاسايمىن دەپ ۋادە بەرگەن.
بىرنەشە مارتە وسىنداي «ۇسىنىستار» تۇسكەننەن سوڭ كاسىپكەر قارجى پوليتسياسىنان كومەك سۇراعان. ولار ونى ارنايى كامەرامەن جاراقتاندىرىپ، شەنەۋنىكپەن كەزدەسۋ ۇيىمداستىرعان. الدىن الا كەلىسىم بويىنشا، كاسىپكەر اعاشتىڭ ورنىنا 15 ميلليون تەڭگە بەرەم، ءبىراق ونى ءبولىپ-ءبولىپ تولەيمىن دەگەن كەلىسىم جاساسقان. ارنايى بەلگىسى بار اقشانى الۋ كەزىندە قارجى پوليتسياسىنىڭ قىزمەتكەرلەرى شەنەۋنىكتى قولعا تۇسىرگەن.
سوتتا ايىپتالۋشى اعاشتى تانىستارى ءۇشىن سۇراعانىن، الايدا كاسىپكەر ءوزى اقشا ۇسىنعانىن العا تارتقان. شەنەۋنىكتىڭ بۇل سوزدەرى ونى جازادان قۇتقارا العان جوق.
