ورالدا ادامداردى قاعىپ كەتىپ، بوي تاسالاعان ءۇش اۆتوكولىك جۇرگىزۋشىسى ۇستالدى
ب ق و ءى ءى د اكىمشىلىك پوليتسياسى باسقارماسىنىڭ اعا ينسپەكتورى نۇرتاي لەزوۆتىڭ حابارلاعانىنداي، قاعىلعانداردىڭ ەكەۋى - بالا. شامامەن 13 ساعات 50 مينۋتتا «حيۋنداي» اۆتوكولىگىنىڭ جۇرگىزۋشىسى قۇرمانعازى مەن تەمىر ماسين كوشەلەرىنىڭ قيىلىسىندا جاياۋ جۇرگىنشىلەر وتەتىن جەردەن 1986 -جىلعى ك. دەگەن ازاماتتى قاعىپ، وقيعا ورنىنان تايىپ تۇرعان. وڭ جاق جامباسىنان جاراقاتتانعان جۇرگىنشى وبلىستىق اۋرۋحانانىڭ جاراقات بولىمىنە قارالۋعا ءماجبۇر بولدى.
سودان كەيىن ساعات 18.30 دا بەلگىسىز جۇرگىزۋشى «مازدا» كولىگىمەن د. قونايەۆ اتىنداعى شاعىناۋداندا پ. دەگەن 2007 -جىلعى بالانى قاعىپ، وقيعا ورنىنان بوي تاسالاعان. بەتىنەن جاراقات العان جاس ءوسپىرىم دە اتالعان اۋرۋحانا كومەگىنە جۇگىندى.
ءۇشىنشى وقيعا ساعات 20.40 تا ورىن الدى. «لادا» ماركالى كولىكتىڭ جۇرگىزۋشىسى زاۆوكزالنىي تۋپيك كوشەسى بويىنداعى 25/1 ءۇيدىڭ اۋلاسىندا م. دەگەن 2005 -جىلعى جەتكىنشەكتى قاعىپ، ول دا بوي تاسالاعان. سول جاق يىعى مەن تىزەسىنەن جاراقات العان بالا جاراقات بولىمىنە ءتۇستى.
جەدەل ىزدەستىرۋ شارالارى بارىسىندا جول- كولىك وقيعاسىنا كىنالىلەر تەز انىقتالدى. اتاپ ايتقاندا، «حيۋنداي- اكسەنتتىڭ» جۇرگىزۋشىسى 1981 -جىلعى گ. ، «مازدا-626» كولىگىن ايداعان 1992 -جىلعى ۋ. ، «لادا-21703» كولىگىن جۇرگىزگەن 1988 -جىلعى ز. ەسىمدى ازاماتتار بولىپ شىقتى. ەندى ولارعا قاتىستى ءتيىستى شارالار قولدانىلاتىن بولادى.
