وتاندىق شاعىن جانە ورتا بيزنەستى مەملەكەتتىك قولداۋ شارالارى قارالدى

استانا. قازاقپارات - شىمكەنت قالاسىندا شاعىن جانە ورتا بيزنەستى مەملەكەتتىك قولداۋ جانە اكىمشىلىك توسقاۋىلداردى ازايتۋ شارالارى جونىندەگى فورۋم ءوتتى.

ونىڭ جۇمىسىنا «سامۇرىق- قازىنا كونتراكت» ج ش س دەلەگاتسياسى قاتىستى، دەپ حابارلادى كومپانيانىڭ باسپا ءسوز قىزمەتىنەن.

اتالمىش شارانىڭ ماقساتى - يندۋستريالدىق- يننوۆاتسيالىق دامۋدى مەملەكەتتىك قولداۋدىڭ قولدانىستاعى جانە ەنگىزىلەتىن شارالارىن ءتۇسىندىرۋ، اتاپ ايتقاندا، «نۇرلى جول»، «بيزنەستىڭ جول كارتاسى-2020»، «اگروبيزنەس- 2020» مەملەكەتتىك باعدارلامالارى، يمپورت الماستىرۋ باعدارلامالارى، سونداي-اق و ق و كاسىپكەرلىكتى دامىتۋدى قولداۋ باعدارلامالارى اياسىندا جاڭا قولداۋ شارالارىن ءتۇسىندىرۋ.

فورۋمعا ورتالىق جانە جەرگىلىكتى اتقارۋشى ورگاندار، ۇلتتىق كومپانيالار، دامۋ ينستيتۋتتارىنىڭ وكىلدەرى، حالىقارالىق قارجى ۇيىمدارى، شاعىن جانە ورتا بيزنەس وكىلدەرى، ال «سامۇرىق- قازىنا كونتراكت» ج ش س- ىنەن باس ديرەكتوردىڭ ورىنباسارى ادىلەت ءابىلقايىروۆ پەن ساتىپ الۋلاردا باعا مونيتورينگى جانە ماركەتينگى دەپارتامەنتىنىڭ باس مەنەدجەرى ولجاس ارىپبايەۆ قاتىستى.

«مەنىڭ ويىمشا، مۇنداي ديالوگ الاڭدارى وتاندىق كاسىپكەرلەردى قولداۋدىڭ پارمەندى اسپابى بولىپ تابىلادى. «سامۇرىق- قازىنا» حولدينگىنىڭ ۇيىمى قازاقستاندىق بيزنەستى قولداۋدا ۇلكەن جۇمىستار اتقارۋدا. وسى كەزدەسۋدىڭ ارقاسىندا ءبىز تاعى قانداي شارالار قابىلداۋ قاجەتتىگىن بىردەن بىلەتىن بولامىز»، - دەپ اتاپ ءوتتى و. ارىپبايەۆ.

قازاقستان رەسپۋبليكاسىنىڭ ەۋرازيالىق ەكونوميكالىق وداققا، دۇنيەجۇزىلىك ساۋدا ۇيىمىنا كىرۋى اياسىنداعى ەلدىڭ ينتەگراتسيالىق ۇردىستەرىن ەسكەرىپ، قور ءبىرى ۇزاق مەرزىمگە كەلىسىمشارت جاساسۋ بولىپ تابىلاتىن جۇيەلى جەدەل شارالاردى بەلسەندى قابىلداۋدا.

سونىمەن، بۇگىن «سامۇرىق- قازىنا» ا ق بارلىق ەنشىلەس كومپانيالارىندا مەملەكەتتىك ساتىپ الۋدىڭ ۇزاقمەرزىمدى جوسپارلارى بەكىتىلدى. وتاندىق جەتكىزۋشىلەرمەن سوماسى شامامەن 6 تريلليون 300 ميلليارد تەڭگە بولاتىن 3500 گە جۋىق ۇزاقمەرزىمدى كەلىسىمشارتتار جاسالدى.