ينتەرنەتتە جيھازداردىڭ وزدىگىنەن قوزعالعانى ءتۇسىپ قالعان بەينەروليك پايدا بولدى
وقيعا قىتاي جەرىندە بولعان. كادردان قوناق ءۇي بولمەسىندەگى كرەسلونىڭ قوزعالىپ، ەسىكتىڭ ەشبىرەۋدىڭ يتەرۋىنسىز تارس جابىلعانىن كورۋگە بولادى. سونىمەن قاتار، سول عيماراتتىڭ اسحاناسىندا جالعىز وتىرعان قىز ارتقى جاقتان بىرەۋدىڭ ۇستەلدى قوزعاعانداي دىبىسىن ەستيدى.
وقىس جايتتان سەكەم العان ول جالما-جان ۇيالى تەلەفونى ارقىلى بىرەۋمەن حابارلاسا باستايدى. سول ساتتە ونىڭ جانىنداعى ورىندىقتارعا «جان ءبىتتى». مۇندايدان زارەسى قالماعان ول ورنىنان ىتقي جونەلدى.
ەندىگى ءبىر ساتتە اسحانادان قاشپاسا، قۇتىلماسىن بىلگەن قىز ەسىككە قاراي ۇمتىلدى. ءبىراق ونى «قۋىپ جەتكەن» جيھاز جيىنتىعى جولدى بوگەپ، قىز ەسىنەن تاندى. وقيعانىڭ نەمەن اياقتالعانى وسى كەزگە دەيىن بەلگىسىز.
